Ռուբեն Վարդանյանին հաջողվել է դառնալ Արցախի դիմադրության առաջնորդ

Radio Free Europe/Radio Liberty-ում հրապարակած հոդվածը լույս է սփռում Արցախի նախկին պետնախարար, «Արցախի անվտանգության և զարգացման ճակատի» համակարգող Ռուբեն Վարդանյանի բարձր մարդկային և քաղաքական որակների վրա։

Լրագրող Ջոշուա Կուչերան չափազանց ուշագրավ մանրամասներ է հայտնել իրենց հարցազրույցից, օրինակ հիշատակել է, որ հարցազրույցի ժամանակ Ռուբեն Վարդանյանը չի մեկնաբանել պաշտպանության բանակի վերաբերյալ հարցը։ Ըստ Կուչերայի, երբ դու շրջափակման մեջ ես, բոլորը զինվոր են, բոլորը մեծից մինչև փոքր պետք է դառնան հայրենիքի պաշտպան։ Ըստ լրագրողի՝ մինչ Ղարաբաղի դե ֆակտո իշխանությունները համեմատաբար լուռ են Հայաստանի կառավարության դավաճանական գործողությունների վերաբերյալ, Ռուբեն Վարդանյանն, որը կարճատև և աղմկահարույց պաշտոնավարում ունեցավ Ղարաբաղի պետնախարարի պաշտոնում մինչև փետրվարին նրան հեռացրին, հանդես է գալիս իբրև ադրբեջանական վերահսկողության դեմ Արցախի դիմադրության առաջնորդ։

Ռուբեն Վարդանյանը հարցազրույցում նշել է, թե Փաշինյանն Արցախը հանձնելու իրավունք չունի ո՛չ իրավական, ո՛չ բարոյական առումով։ Մայիսի վերջին Ղարաբաղն ադրբեջանական տարածք ճանաչելու մասին Փաշինյանի վիճահարույց հայտարարության հաջորդ օրը, Վարդանյանը հայտարարեց նոր կազմակերպության՝ «Արցախի անվտանգության և զարգացման ճակատի» հիմնադրման մասին։ Օգտագործելով Ղարաբաղի հայկական անվանումը՝ նա նշեց, որ կազմակերպությունն Արցախը հայկական պահելու սուրբ նպատակ ունի։ Ընդամենն այս մի քանի դրվագներն ապացուցում են, որ Ռուբեն Վարդանյանին շատ կարճ ժամանակահատվածում հաջողվել է դառնալ Արցախի դիմադրության առաջնորդ, այլընտրանք դառնալ թե ՛ Ղարաբաղում գործող և Փաշինյանի կամքը կատարող քաղաքական ուժերի և թե՛ թուլամորթ ու կամակատար Արայիկ Հարությունյանին ապացուցել, որ արցախցիները պատրաստ են պայքարել իրենց անկախության և անվտանգության համար, այլ ոչ թե կուրորեն կատարում են պաշտոնական Երևանից ստացվող վտանգավոր հրահանգները։

Գեղեցիկ Ավետիսյան