«Հանրապետություն» կուսակցությունը կգնա մենակ. Արամ Սարգսյանը՝ լուրջ խնդրի առաջ է
ՎԵՐԼՈՒԾՈՒԹՅՈՒՆՆԵՐ
«Հանրապետություն» կուսակցությունն Երևանի ավագանու ընտրություններին կմասնակցի միայնակ, առանց որևէ դաշինքի, իսկ կուսակցության քաղաքապետի թեկնածուն Արտակ Զեյնալյանն է։ Ընդ որում, մեր տեղեկություններով, այդ կուսակցությունում բավականին լուրջ քննարկում է գնացել, թե ով պետք է լինի քաղաքապետի իրենց թեկնածուն։
«Հանրապետությունում» հասկանում են, որ Զեյնալյանը բավական թույլ ֆիգուր է, նրա լավագույն ժամանակներն անցել են, ավելին Արտակ Զեյնալյանն երկար ժամանակ անհասկանալի պայմաններում մնում էր արդարադատության նախարար Նիկոլ Փաշինյանի օրոք, մինչև վերջինս չափազանց վիրավորական կերպով ցույց տվեց Արտակ Զեյնալյանի տեղը։
Մեր աղբյուրի փոխանցմամբ՝ «Հանրապետություն» կուսակցությունում նույնիսկ մտադիր են եղել դերասան Խորեն Լևոնյանին առաջարկել դառնալ իրենց քաղաքապետի թեկնածուն, սակայն ինչ որ բան, ի վերջո, չեն պայմանավորվել։ Այժմ էլ կուսակցությունը փորձում է այնպիսի ցուցակ կազմել, որ գոնե անցողիկ շեմն անցնեն։ Նաև, Արամ Սարգսյանը, որը համակարգելու է կուսակցության նախընտրական շտաբը, մտադիր է հանդես գալ իր ավանդական հակառուսական գծով, իբր ամերիկամետ դիրքավորմամբ և այդ թեզերով փորձել ստանալ որոշակի էլեկտորատի հավանությունը։
«Հանրապետություն» կուսակցությունում հասկանում են, որ մնացած պարագաներում իրենք շանս չունեն ո՛չ քաղաքին վերաբերող ծրագրեր ունեն, ո՛չ էլ իրենց «ֆիկտիվ» առաջին դեմքի կերպարով կկարողանան ձայն բերել, և մնում է միայն աշխարահաքաղաքականը, սակայն այստեղ էլ մեծ հարցեր են կուտակվել։
Անկախ նրանից, որ Երևանի ավագանու ընտրություններն ինքնին քաղաքական ընտրություններ են, քաղաքի ընտրություններում այսպես կոչված մեծությունն այնքան էլ մեծ նշանակություն չի ունենալու։ Երևանի բնակիչները հաշվի են առնելու քաղաքի նկատմամբ հատկապես առաջին համարների վերաբերմունքը, կառավարչական հմտությունները և թե ով ինչ է արել Երևանի համար։ Ի դեպ, մինչ վերջերս կարծիք կար, որ որպես Նիկոլ Փաշինյանի «սփոյլեր» կուսակցություն, «Հանրապետությունը» կարող է դաշինքով հանդես գալ, կամ էլ միայնակ մասնակցելու դեպքում ինչ-որ տոկոս ստանալուց հետո միանալ արդեն Տիգրան Ավինյանի գլխավորած «Քաղպայմանագրին»։
«Քաղպայմանագիրն» արդեն իսկ որոշել է, որ մենակ է գնում և մեծ հարց է, արդյոք ՔՊ-ն կկարողանա կրկին գրավել քաղաքապետարանը, հատկապես, որ արբանյակ կուսակցություններն առանձնապես լուրջ հնարավորություններ չունեն լուրջ արդյունք ցուցաբերլու։
Մարիետա Շահբազյան
