ԲԴԽ նախագահը՝ ԱԱծ ուղիղ թիրախում

Ազգային անվտանգության ծառայությունն երեկ վերջապես հաստատեց, որ Բարձրագույն դատական խորհրդի նախագահ Կարեն Անդրեասյանի վերաբերյալ ուսումնասիրություն է ընթանում։ Գրությունը ստացվել է գլխավոր դատախազի տեղակալից, և ԱԱԾ-ում ներկայումս ստուգվում է լրատվական կայքերում ԲԴԽ նախագահ Կարեն Անդրեասյանի վերաբերյալ հրապարակված հոդվածներում առկա տեղեկություններն, ընդամենը նշել են ԱԱԾ-ից։

Որևէ այլ տեղեկություն քրեական գործի մանրամասների վերաբերյալ ԱԱԾ-ն չի հաղորդում, ինչը կրկին խորացնում է կասկածներն, որ ԲԴԽ տխրահռչակ նախագահի դեմ պարզապես քրեական վարույթը հարուցել են՝ նրան ինչ-որ հարցերով ճնշելու և իրենց ցանկալի որոշումները դակել տալու համար։ Թերևս հենց այդ պատճառով է, որ Բարձրագույն դատական խորհրդի նախագահն ու նրա ենթականերն անասելի քանակությամբ ապօրինություններ են իրականացնում դատավոր Դավիթ Հարությունյանին ամեն գնով դատական համակարգից դուրս մղելու համար։

Փաշինյանն, ըստ էության, իր ձեռքում կենտոնացնելով գործադիր և օրենսդիր իշխանութուններն ամբողջությամբ շատ վաղուց է մտածում դատական իշխանությանը ճնշելու հարցում։ Ժամանակին դատարանները շրջափակած և նույնիսկ դրա համար քննադատության արժանացած վարչապետի պաշտոնը զբաղեցնող անձին այդ հանգամանքները բնավ էլ չեն հետաքրքրում։ Նա հասկանում է, որ պետական համակարգում դիմադրության մի քանի օջախներ են մնացել, որոնք կարող են խնդիր դառնալ իր համար, ուստի և աշխատում է ամեն գնով ճնշել, իսկ սեփական կողմնակիցներին չվստահելու պատճառով նաև այսպիսի քրեական գործեր է հարուցել տալիս Կարեն Անդրեասյանի դեմ։

Անժելա Բարխուդարյան