Երևանում ՔՊ-ի հաղթանակը կասկածի տակ է. «Ապրելու երկիրն» իրական մրցակցություն կապահովի
ՎԵՐԼՈՒԾՈՒԹՅՈՒՆՆԵՐ
Երևանի քաղաքապետի ընտրություններում «Քաղաքացիական պայմանագիր» կուսակցության հաղթանակը լրջագույն կասկածի տակ է։ Ավելին, ընթացիկ զարգացումները վկայում են, որ Տիգրան Ավինյանի գլխավորած թիմին բոլորովին էլ չի հաջողվելու հաղթել քաղաքապետի ընտրություններում։
Այսօրվա դրությամբ հիմնական քաղաքական ուժը, որը կարող է ոտք գցել գործող իշխանությունների հետ և ոչ միայն քաղաքական, այլ նաև քաղտնտեսությանը վերաբերվող ծրագրով իրապես այլընտրանք դառնալ գործող իշխանությունների համար, «Ապրելու երկիր» կուսակցությունն է։
Կուսկացությունն արդեն իսկ հայտարարել է, որ Երևանի ավագանու ընտրություններում մասնակցելու է Մանե Թանդիլյանի գլխավորությամբ։ Նա առնցքային մի քանի կետ է նշել, թե ինչու է մասնակցում ընտրություններին և ինչ են անելու։ Ըստ Թանդիլյանի՝ Երևանին պետք է խորքային բովանդակային փոփոխություններ, Երևանը պետք է լինի 21-րդ դարին հարիր եվրոպական մայրաքաղաք, Երևանում կառավարման համակարգը պետք է մասնագետների կառավարման համակարգ դառնա, ամեն մեկը պետք է լինի իր տեղում, իր ճիշտ գործն անելիս։
Ըստ Թանդիլյանի ՝ Երևանի ընտրությունները քաղաքական են և դրանք երկրում արդյունավետ իշխանափոխության միջոց են լինելու, այնպես ինչպես դրանք եղել են համայնքներում, որտեղ հիմա ղեկավարում են կուսակցության անդամները, իսկ ՔՊ-ի հետ որևէ համայնքում որևէ համագործակցության եզր չկա և առավել ևս դա չի լինելու Երևանում։ Այս իշխանությունները պետք է ամբողջությամբ հեռանան պետական կառավարման ոլորտից,- նշել է Թանդիլյանը։ Նման անկոտրում և արմատական մոտեցումը վստահաբար լուրջ ազդակ է լինելու «Ապրելու երկիր» կուսակցության հաջողության համար։
Կուսկցությունը նաև ուշագրավ առաջարկություն է արել երևանցիների մասնակցային կառավարման վերաբերյալ։ Ըստ Մանե Թանդիլյանի համայնքը ոչ թե օրենքի տերմին է, այլ մարդկանց միավորում, ովքեր առաջին հերթին պետք է լինեն իրենց բնակավայրի տերը և կառավարողը։
_ Թեև կուսակցական մասնագիտական թիմերն, ինչպես նաև ոլորտների փորձառու մասնագետներն աշխատում են Երևանի զարգացման ծրագրի վրա, սակայն մեզ համար շատ կարևոր է հենց երևանցու մասնակցությունը քաղաքի կառավարմանը,- նշել է Մանե Թանդիլյանը՝ խոստանալով, որ առաջիկայում կուսակցության թիմակիցները կլինեն թաղերում, որտեղ նրանց կարող են փոխանցել խնդիրները, դրանց լուծման շուրջ քաղաքացիների առաջարկությունները։
Ըստ էության «Ապրելու երկիրն» արդեն իսկ ապացուցել է, որ կարող է լուրջ այլընտրանք դառնալ, այստեղ չփազանց կարևոր է նաև ընդդիմադիր մյուս ուժերի դիրքորոշումը, եթե նրանք կարողանան վեր կանգնել սեփական ամբիցիաներից, կամ էլ իշխանության ծպտյալ համագործակցելու իրենց քայլերից և աջակցել «Ապրելու երկիր» կուսակցությանը, ապա Երևանում կդրվի իշխանափոխության հիմքերը։
Սմբատ Բեջանյան
