«Ապրելու երկիրը» Երևանի խնդիրները լուծելու իրական ծրագիր ունի

«Ապրելու երկիր» կուսակցությունը Երևանում չի համագործակցի իշխող «Քաղաքացիական պայմանագիր» կուսակցության հետ։ Կուսակցության քաղաապետի թեկնածու, «Ապրելու երկրի» նախագահ Մանե Թանդիլյանն է այդ մասին հայտարարել՝ ցրելով հանրության մեջ տարածվող այն կեղծ տեղեկությունները, թե իբր «Ապրելու երկիրը» կեղծ ընդդիմություն է և առաջադրվում է գործող վարչախմբին օգնելու։

Թանդիլյանը հիշեցրել է, որ իրենք բազմաթիվ համայնքներում հաղթանակ են տարել, կամ էլ խմբակցություններ ունեն ավագանիներում և որևէ դեպքում չեն համագործակցում գործող վարչախմբի հետ։ «Ուզում եմ ասել, որ երևանցիների հետ մենք ազնիվ ենք խոսելու ու հայտարարում ենք, որ երևանցու տված մանդատը, վստահության քվեն որևէ կերպ, որևէ ձևաչափով «Քաղաքացիական պայմանագիր» կուսակցության հետ միավորման, կամ համագործակցության երբեք չի ծառայելու,- նշել է Թանդիլյանը և հավելել, թե յուրաքանչյուր քաղաքական ուժ, որը պիտի մասնակցի Երևանի ընտրություններին պարտավոր է հայտարարել արդյոք իր մանդատը հետագայում ծառայելու է ՔՊ-ի հետ համագործակցությանը կամ միավորմանը, թե՝ ոչ, բոլորը պետք է լինեն ազնիվ այս չափազանց կարևոր ընտրություններում։ Երևանցին հստակ պետք է իմանա ընտրությունների գնալով ինչ խնդիր է լուծելու»,- նշում է «Ապրելու երկիր» կուսակցության թեկնածուն, իսկ «Ապրելու երկիրը» ընտրություններին մասնակցելու է մի քանի կարմիր գծերով, դրանք վերաբերում են Արցախին, նրան, որ նախկինին վերադարձ չի լինելու, իսկ ներկաներն իրենց սպառել են վաղուց և պետք է հեռանալ։

«Ապրելու երկիր» կուսակցության նախագահն երեկ նաև մի ուշագրավ գրառում է արել իր ֆեյսբուքյան էջում՝ անդրադառնալով Երևանի տրանսպորտային խնդիրներին։ Փաստելով, որ գետինը սպառել է իրեն և Երևանի բնակչության տնտեսական զարգացման տեպերի համար ունի սակավ հնարավորություններ լուծելու քաղաքի խնդիրները։

Ըստ Թանդիլանի, հաշվի առնելով Երևանի ռելիեֆային առանձնահատկությունը, քաղաքի տրանսպորտային գլխավոր ռեֆորմը պետք է դառնա ճոպանուղու ցանցը, կուսակցությունն արդեն իսկ որոշակի քայլեր արել է այդ ուղղությամբ և հստակ պատկերացնում է, թե ինչպես պետք է Երևանը պատվի ճոպանուղու ցանցով, ինչը թույլ կտա իրար միացնել քաղաքի տարբեր հատվածները և, ի տարբերություն այլ քաղաքական ուժերի, «Ապրելու երկիրը» բավական ուշագրավ նախաձեռնություններ և ռեֆորմներ կարող է բերել Երևան քաղաքին։

Գրիշա Մելքոնյան