Վաշինգտոնյան հանդիպումը հետաձգվել է. ինչու՞ Հայաստանին դեղին քարտ ցույց տվեցին

Ադրբեջանի խնդրանքով Վաշինգտոնում հունիսի 12 –ին կայանալիք արտգործնախարարների հանդիպումը հետաձգվել է անորոշ ժամանակով։ Ադրբեջանական կողմը չի նշում, թե որքան ժամանակով է խնդրել հետաձգել։

Միաժամանակ ԱԳՆ խոսնակը հայտարարել է, թե նոր ժամկետների մասին տեղեկություն պետք է հրապարակի ԱՄՆ պետքարտուղարությունը։ Պետդեպի ներկայացուցիչը, իդեպ, որևէ կերպ նոր ժամկետ չի նշել։ Մայիսի սկզբին 4 օր տևած հանդիպումների ժամանակ բավական ուշագրավ բանակցություններ են եղել, որից հետո թե՛ Բլինքենը և թե՛ արտգործնախարարը հայտնել են, որ որոշ հարցերում առանցքային համաձայնության են եկել։

Նախնական տվյալներով՝ այս մի հանդիպումը պետք է տևեր ոչ պակաս, քան երեք օր, սակայն Ադրբեջանը հանկարծակիորեն հետաձգում է։ Թե որն է պատճառը, որ Բաքուն տորպեդահարում է բանակցությունները, որևէ մեկը հոդաբաշխ բացատրություն չունի։ Թեպետ Ռուսաստանի պաշտոնական ներկայացուցիչները վերջին օրերին զգալիորեն ակտիվացել են քննադատությունը Արևմուտքի և մասնավորապես ԱՄՆ-ի հասցեին հարավային Կովկասում իրենց ազդեցությունը ավելացնելու համար։ Այս ֆոնին չափազանց ուշագրավ է ԱՄՆ պետքարտուղարության պատժամիջոցների հարցերով համակարգող Ջիմ Օբրայնի հայտարարությունը։ Համակարգողի խոսքով՝ Ռուսաստանը գրեթե վերականգնել է ռազմական գործողությունների ընթացքի ապահովման համար անհրաժեշտ առանցքային արևմտյան միկրոչիպերի և էլեկտրոնիկայի ներկրման ծավալը նախքան Ուկրաինայում ռազմական գործողությունների մեկնարկը եղած ցուցանիշներին։

Ըստ «Պոլիտիկո» պարբերականի՝ Ռուսաստանի և Կովկասի ու կենտրոնական Ասիայի մի քանի երկրներ՝ Վրաստանը, Ղազախստանը, Հայաստանը օգնում են Ռուսաստանին շրջանցելու արևմտյան պատժամիջոցները, և անգամ թուրքական աղբյուրներն են նշում, թե այս գործողությունների համար Հայաստանի Հանրապետությունը կարող է արժանանալ ամերիկյան պատժամիջոցների և բախվել լուրջ քաղաքական հետևանքների։

Նարեկ Ղազինյան