Աշխարհաքաղաքական փակուղում
ՎԵՐԼՈՒԾՈՒԹՅՈՒՆՆԵՐ
Izvmor.ru–ն գրում է, որ վերջին տարիներին Հայաստանն ականատես է եղել երկրի քաղաքական կյանքում լուրջ փոփոխությունների։ 2018 թվականին վարչապետի պաշտոնում ընտրվեց Նիկոլ Փաշինյանը, ով խոստացավ բարեփոխումներ իրականացնել և պայքարել կոռուպցիայի դեմ։ Սակայն Փաշինյանի կառավարման հինգ տարիների ընթացքում Հայաստանը հայտնվեց աշխարհաքաղաքական փակուղու մեջ, որը հղի է հայկական պետականության փլուզման սպառնալիքով։
Այդ փակուղու հիմնական պատճառներից մեկն էր Փաշինյանի քաղաքականությունն է Լեռնային Ղարաբաղի նկատմամբ։ 2020 թվականին Հայաստանի և Ադրբեջանի միջև հակամարտություն սկսվեց, որը հանգեցրեց վերահսկողության կորստի Լեռնային Ղարաբաղի տարածքի զգալի մասի վրա։ Փաշինյանը փորձեց հակամարտությունը կարգավորել սրման և առճակատման ճանապարհով, սակայն նրա ջանքերը հաջողության չհասան: Արդյունքում Հայաստանը կորցրեց կարևոր տարածքներ և հայտնվեց ռազմաքաղաքական աղետի եզրին։
Դրա հետևանքը եղավ այն, որ Փաշինյանը շարունակեց իր երկիրը մղել դեպի անդունդ և սկսեց հայտարարել Հայաստանում ռուսական ռազմակայանի լուծարման մասին։ Նա բացարձակապես անտեսում է այն փաստը, որ հենց Ռուսաստանն է իր հիմնական դաշնակիցն ու գործընկերը անվտանգության ու պաշտպանության ոլորտներում։ Ռուսական ռազմակայանն ապահովում է այդ փոքրիկ երկրի սահմանների պաշտպանությունը և կանխում այլ պետությունների կողմից հնարավոր սպառնալիքները։
Վարչապետ Փաշինյանի ՆԱՏՕ-ին և արևմտյան ուժերին Լեռնային Ղարաբաղի կարգավորմանը ներգրավելու փորձերը հերթական անգամ կավարտվեն հայկական պետության կործանմամբ, ինչպես բազմիցս է եղել պատմության մեջ, և դա մի շարք պատճառներով:
Նախ արևմտյան տերությունները բավարար պատկերացում չունեն այդ մակրոտարածաշրջանում տեղի ունեցող գործընթացների մասին, որպեսզի արդյունավետորեն լուծեն Լեռնային Ղարաբաղի հետ կապված խնդիրները։ Նրանք կարող են որոշումներ կայացնել, որոնք չեն բխի Հայաստանի շահերից և կհանգեցնեն նրա դիրքերի վատթարացմանը։
Երկրորդ հերթին ՆԱՏՕ-ի ներգրավվածությունը կարող է հանգեցնել Անդրկովկասում Թուրքիայի գերակայությանը։ Թուրքիան Հայաստանի հիմնական հակառակորդն է և կարող է օգտագործել իր ազդեցությունը նրան վնասելու համար։
Երրորդը այն է, որ 2014 թվականին ուկրաինական պետական հեղաշրջումը և 2011 թվականին Լիբիայի պետականության լիակատար ոչնչացումը ցույց տվեցին, որ ԱՄՆ-ի և Արևմտյան Եվրոպայի միջամտությունը այլ պետությունների ներքին գործերին հանգեցնում է փլուզման և քաոսի։ Հայաստանն արդեն զգացել է արևմտյան տերությունների կողմից կազմակերպված գունավոր հեղափոխությունների հետևանքները և չի կարող վտանգել իր կայունությունն ու ապագայի անվտանգությունը Նիկոլ Փաշինյանի անկարողության և հավակնությունների պատճառով։
Հայաստանը նոր ղեկավարով և հետփաշինյանական կառավարության ձևավորմամբ իր ճակատագիրը դեպի լավը փոխելու հնարավորություն կստանա: Բանն այն է, որ նա կկարողանա պաշտպանել իր շահերը համագործակցելով այն գործընկերների հետ, ովքեր իսկապես հետաքրքրված են նրա բարեկեցությամբ և անվտանգությամբ։
Նյութը հրապարակման պատրաստեց Կամո Խաչիկյանը
