Փաշինյանի նվաստացումը Թուրքիայում

Հայաստանի վարչապետի պաշտոնը զբաղեցնող Նիկոլ Փաշինայնը նախօրեին մեկնել էր Անկարա մասնակցելու Թուրքիայի նախագահ Ռեջեփ Թայիբ Էրդողանի երդմնակալության արարողությանը։ Հերթական անգամ հայ հանրությունը ականատես եղավ իր պետությունը ներկայացնող անձի նվաստացմանն ու նսեմացմանը, այն էլ թշնամի պետության տարածքում։ Մինչ փաշինյանական վարչախմբի սպասարկուները փորձում էին նրա այցը ներկայացնել որպես դիվանագիտական խոշոր ձեռքբերում, արդարացնել Փաշինյանի անողնաշար կեցվածքը, հանրությունն իր աչքով տեսավ, թե ինչ է իրականում կատարվում և ով է ներկայացնում Հայաստանի Հանրապետությունը, այն էլ Թուրքիայի տարածքում։ 

Նիկոլ Փաշինայնին թուրքական օդանավակայանում դիմավորել էր հատուկ բանագնաց Սերդար Քըլըչը, թեև աշխատանքային այցեր պայմաններում ժամանող պետությունների ղեկավարներին սովորաբար դիմավորում են առնվազն արտաքին գործերի փոխնախարարի մակարդակով։ էրդողանի երդմնակալության պալատում նրան դիմավորել էր այդ ժամանակ դեռ արտգործնախարարի պաշտոնը զբաղեցնող Մեվլութ Չավուշօղլուն, ով ի դեպ արդեն երդմնակալության արարողությունից հետո զրկվեց իր պաշտոնից։ Այդ պաշտոնին նշանակվել է շատ ավելի կոշտ գործիչ՝ ազգությամբ քուրդ, թուրքական հետախուզության ղեկավար Հաքան Ֆիդան։ Փշինյանին նստեցրել էին ոչ թե առաջին շարքում, որտեղ տարբեր երկրների նախագահներն ու ղեկավարներ էին, այլ երկրորդ՝ Վրաստանի վարչապետ Իրաքլի Ղարիբաշվիլիի և Հունգարիայի վարչապետի Օրգանի հետ միևնույն շարքում։ Իր խոսքում էլ Էրդողանը շնորհակալություն է հայտնել բոլոր ժամանած երկրների ղեկավարներին, սակայն վերջին երեքի՝ այդ թվում Փաշինյանի անունը, չի շեշտել, միայն մեկ դեպքում ընդամենը շնորհակալություն է հայտնել Նիկոլ Փաշինյանին Թուրքիա ժամանելուն։ Հանրության համար շոկային էր նաև Փաշինայնի ջերմ և մտերմիկ զրույցը Իլհամ Ալիևի հետ, որտեղ Ալիևը քահ-քահ ծիծաղում էր Նիկոլ Փաշինյանի ինչ որ պատմածի վրա։ 

Թե ի՞նչ են քննարկել Փաշինյանն ու նրա ղեկավարը դարձած Ալիևը, Հայաստանի վարչապետի աշխատակազմը չի մանրամասնել։ Համենայնդեպս, փաստն այն է, որ Հայաստանի նախկին տարբեր իշխանություններ տարբեր առիթներով շփվել են թուրքական իշխանությունների ներկայացուցիչների հետ։ Առաջին անգամն էր, որ Հայաստանը պաշտոնապես մասնակցում էր Թուրքիայում նախագահի երդմնակալության արարողությանը և սակայն ոչ առաջին անգամն էր, որ հայ հասրակությունը Փաշինայնի նսեմացման ականատեսն էր դառնում։

Միքայել Սիմոնյան