«Ապրելու երկիրը» մոտ օրերս կազդարարի պաշտոնական մեկնարկը. թեկնածուն Մանե Թանդիլյանն է
ՎԵՐԼՈՒԾՈՒԹՅՈՒՆՆԵՐ
«Ապրելու երկիր» կուսակցությունը մեկ շաբաթից պաշտոնապես կքննարկի Երևանի քաղաքապետի ընտրություններում իր քարոզարշավը։ Մեր տեղեկություններով՝ առաջիկա օրերին՝ ամենայն հավանականությամբ հենց հունիսին 8-ին, կուսակցությունը հայտարարելու է, որ մասնակցելու է ավագանու ընտրություններին կուսակցույթան նախագահ Մանե Թանդիլյանի գլխավորությամբ, թեև հասարակությունը որևէ կասկած չուներ, որ հենց Մանե Թանդիլյանն է գլխավորելու ընտրական ցուցակը, սակայն կուսակցությունը դեռ վերջնականապես չէր հաստատել, թե ում առաջնորդությամբ է մասնակցելու ընտրություններին։
Այժմ քաղաքապետի թեկնածուի անունը հայտարարելով՝ «Ապրելու երկիրը» կմիանա նախընտրական պայքարին, ինչը կնշանակի որ պաշտոնապես «ստարտ» է տրվում։ Այս պահի դրությամբ առայժմ պաշտոնապես իր առաջադրվելու մասին հայտարարել է «Քաղաքացիական պայմանագիր» կուսակցությունը փոխքաղաքապետ Տիգրան Ավինյանի գլխավորությամբ մի շարք այլ կուսակցություններ և քաղաքական ուժեր ցանկություն են հայտնել մասնակցել ընտրություններին, բայց դեռ վերջնականապես որոշում չեն կայացրել, ուստի և Մանե Թանդիլյանի առաջադրումը բավականին լուրջ ցնցումներ կառաջացնի գործող իշխանությունների կազմում:
Մեր աղբյուրի փոխանցմամբ՝ պաշտոնապես թեկնածության առաջադրումից հետո, «Ապրելու երկիրը» մտադիր է ներկայացնել ծրագիրը, հիմնական ծրագրային դրույթներ, ընդ որում շեշտը դրվելու է ոչ թե տեսական խոստումների, այլ կոնկրետ Երևանին վերաբերող հանգուցային խնդիրների լուծումների պրեզենտացիաներ են արվելու, և դրանց մասնակցելու են տարբեր ոլորտների հայտնի և ընդունված մասնագետներ, որոնք մեծ հեղինակություն են վայելում հանրության շրջանում։ «Ապրելու երկիրը», ի տարբերություն գործող իշխանությունների և ընդդիմադիր այլ միավորումների, բավական ուշագրավ և լուրջ քարոզարշավ է մտադիր վարել՝ կոնկրետ անդրադառնալով մայրաքաղաքին վերաբերող տարատեսակ խնդիրներին։
Կարինե Գրիգորյան
