Հայաստանը կարող է արժանանալ Լիվիայի ճակատագրին
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Ազգային ժողովի պաշտպանության, անվտանգության և ներքին գործերի հանձնաժողովի նախկին նախագահ, «Դաշնակցություն» կուսակցության ներկայացուցիչ Հրայր Կարապետյանը կարծում է, որ Հայաստանին կարող է սպառնալ Իրաքի, Լիբիայի և Սիրիայի ճակատագիրը։
Նա նշել է, որ վերջին շրջանում հաճախակի են դարձել ամերիկյան դեսպանի և այլ բարձրաստիճան պաշտոնյաների հանդիպումները քննչական մարմինների ղեկավարների, ՆԳՆ, դատախազության և այլնի հետ։ Ավելի վաղ Հայաստանի քննչական կոմիտեի և ԱՄՆ ՀՖԲ-ի միջև ստորագրվել էր համագործակցության հուշագիր, իսկ ՆԳ նախարար Վահե Ղազարյանը Երևանում ընդունել էր Պետդեպարտամենտի ներկայացուցիչ Ջեյմս Էփլգեյթին։ Քննարկվել են ոստիկանության բարեփոխման հարցում ԱՄՆ-ի կողմից հետագա խորհրդատվական և նյութատեխնիկական աջակցության հարցեր։ Նույն շարքից է դեսպան Քրիստինա Քուինի այցը ՊՆ ազգային պաշտպանական գիտահետազոտական համալսարան, որտեղ ամերիկյան փողերով բացվել է հատուկ լսարան։
«Ցանկացած երկրում, որտեղ ամերիկացիները, իբր, փորձել են օգնել անվտանգության խնդիրների լուծմանը, այդ երկրի համար ստեղծել է քաոս, ապակայունացում և ողբերգական իրադարձություններ։ Ի վերջո, ամերիկացիները կամ հեռացել են, ինչպես եղավ Աֆղանստանում, կամ մնացել են ու «հրդեհել» քաղաքացիական պատերազմ, ինչպես եղավ Սիրիայում, Իրաքում, Լիբիայում և այլ երկրներում։ Ես մտավախություն ունեմ, որ նույն ճակատագիրը կարող է սպառնալ նաև Հայաստանին»,- պարզաբանել է Կարապետյանը։
Նյութը հրապարակման պատրաստեց Կամո Խաչիկյանը
