«Բարեկամները» համաձայնեցված հարված են հասցնում ռուս ռելոկանտների դրամապանակներին
ՎԵՐԼՈՒԾՈՒԹՅՈՒՆՆԵՐ
Svpressa.ru-ն գրում է, որ Ռուսաստանի Դաշնության քաղաքացիները փակ հաշիվներ և արգելափակված միջոցներ ունեն ամբողջ մոլորակում, այդ թվում այսպես կոչված բարեկամ երկրներում։ Մեր իշխանությունների արձագանքը, ինչպես միշտ, բացակայում է: Կրեմլը, ինչպես միշտ, ոչինչ չգիտի՝ «բոլորը ստում են»։ Բացահայտ թշնամության մեջ գտնվող պետությունների դեմ քաղաքական և տնտեսական միջոցներ չեն կիրառվում։ Փաստորեն, Ռուսաստանի իշխանությունները ճակատագրին են թողել իրենց բոլոր հայրենակիցներին։ Ոչ միայն արտագաղթողների վերջին ալիքով տեղափոխվածներին, այլ նաև արտագնա աշխատանքի մեկնածներին։
Արաբական Միացյալ Էմիրությունների (ԱՄԷ), Դուբայի, Կիպրոսի, Լատինական Ամերիկայի և այլ երկրների խոշորագույն բանկերը փակում են ռուսների հաշիվները, նման գործընթացներ են տեղի ունենում նաև հետխորհրդային տարածքում։ Փաստորեն, վտանգ չկա միայն Բելառուսում, մնացած բոլոր երկրներում սպառնալիքի տակ են Ռուսաստանի Դաշնության բոլոր քաղաքացիների փողերը։
Ընդհանուր առմամբ, այս պահին Ռուսաստանից դուրս մեր երկրի քաղաքացիություն ունեցող երկուսից երեք միլիոն մարդ կա։ 2022 թվականի աշնանը, այսպես կոչված, վերաբնակիչների թիվը գնահատվում էր մեկ միլիոն մարդ, բայց հետո հաշվարկը տարօրինակ կերպով դադարեց իրականացվել՝ չնայած մարդիկ շարունակում էին հեռանալ, և հիմա էլ են հեռանում։ Ըստ մի շարք գնահատականների այսպես կոչված «վերջին ալիքի արտագաղթը» արդեն հատել է մեկուկես միլիոն մարդու սահմանը։ Գումարած, ավելի քան մեկ միլիոն նրանց, ովքեր ապրում են երկու երկրներում կամ պարզապես չեն հրաժարվել Ռուսաստանի քաղաքացիությունից։ Ընդհանուր առմամբ մինչև երեք միլիոն մարդ։ Եվ նրանք բոլորն էլ վտանգի տակ են։
ԱՄԷ-ի, Կիպրոսի, Մեքսիկայի և այլ «բարեկամ» երկրների բանկերի դեպքում դա հասկանալի է։ Այդ բոլոր երկրները համագործակցում են Ռուսաստանի հետ ելնելով միայն իրենց շահից, չունեն պարտավորություններ, կա միայն ավելին պոկելու ցանկություն։ Եվ վախ Վաշինգտոնից, որը կարող է պատժել ռուսների հետ շփումների համար։
«Մենք դեմ ենք միակողմանի պատժամիջոցներին: Դրանք բացասաբար են անդրադառնում աշխարհի շատ տնտեսությունների, հիմնականում զարգացող երկրների վրա, որոնք դեռ չեն վերականգնվել համաճարակից»,- օրերս ասել է Բրազիլիայի արտգործնախարար Մաուրո Վիեյրան։
Միաժամանակ Բրազիլիան 2022 թվականի գարնանից հրաժարվել է մեր երկրին մատակարարել ոչ միայն Embraer ինքնաթիռներ, այլ նաև դրանց պահեստամասեր։ Եվ այսպես, նրանք դեմ են պատժամիջոցներին, այո... Նմանատիպ իրավիճակ է հնդիկների, արաբների և մնացած բոլորի հետ կապված:
Ըստ Կենտրոնական բանկի տվյալների 2023 թվականի հունվարի 1-ի դրությամբ Ռուսաստանի Դաշնության քաղաքացիները օտարերկրյա բանկերում 94,3 միլիարդ դոլար են պահել, տարօրինակ ցուցանիշ է... Ովքե՞ր են կոնկրետ ռուսները և որտեղի՞ց են նման ճշգրիտ տեղեկություններ: Վերջին տասը տարիների ընթացքում տարբեր օլիգարխներ միլիարդավոր դոլարներ են դուրս բերել արտերկիր, այդ միջոցները հաշվի չեն առնու՞մ։ Ըստ երևույթին կա օդից վերցված ինչ որ թիվ, որպեսզի ոչ ոք չփորձի պարզել աղետի իրական չափերը։
Տեղեկատվություն այն երկրների մասին, որտեղ գտնվում է հիմնական կապիտալը, իսպառ բացակայում է, սակայն կապիտալի հոսքին հետևելն իսկապես հեշտ չէ։ Եթե, իհարկե, ընդհանրապես հնարավոր է: Հայտնի է միայն ռուսական փողերի հսկայական հոսք դեպի ԱՄԷ և Թուրքիա։ Ռուսների փողերը հայտնվել են նաև հետխորհրդային տարածքում, բայց վերոնշյալ երկրների հետ համեմատած, դա այդպես ասած կոպեկներ են։ Ճիշտ է, տեղական տնտեսությունների համար դրանք լուրջ օգնություն են։ Այնուամենայնիվ, նրանք չեն ցանկանում խառնվել այդ ամենին, վախենում են։ Դատելով տեղական քաղաքական էլիտաների պահվածքից ռուսական պետականությունն այդ տարածքներում արդեն ամբողջությամբ է դուրս գրվել, և, պետք է խոստովանել, դրա համար կան որոշակի հիմքեր։ Հետխորհրդային տարածքի պետությունների իշխանությունները նայում են Կրեմլի գործողություններին և տեսնում, որ այս պահին ամեն ինչ կարող են անել։ Ոչ ոք չի տուժի։
«Վրաստանի բանկը» անցյալ տարվա դեկտեմբերին սկսեց փակել Ռուսաստանի Դաշնության քաղաքացիների հաշիվները, այժմ նույնը անում է վրացական մեկ այլ բանկ՝ TBC Bank-ը։ Ձևակերպումը շատ մշուշոտ է՝ «պատժամիջոցների խախտման հետ կապված գործարքների հայտնաբերման դեպքում բանկը իրեն իրավունք է վերապահում փակել հաշիվներն առանց նախազգուշացման»։
«Ես հաշիվ ունեմ ռուսական Raiffeisen բանկում՝ արտարժույթով, առայժմ այն աշխատում է, այդ թվում ամբողջ աշխարհում։ Ես տեղական բանկերում հաշիվներ չեմ բացել, նրանց նկատմամբ վստահություն չկա։ Բայց գործընկերները բացեցին ու հիմա մի քիչ տխուր են։ Նրանք արդեն պարզել են, որ այն միջոցների վրա, որոնք պահվում են իրենց հաշիվներում, եթե որևէ մեկը տեսնի «պատժամիջոցների խախտում»՝ կարգելափակվեն անորոշ ժամկետով՝ մինչև վարույթի ավարտը։ Այսինքն ընդմիշտ»,- պատմել է է ռուս ՏՏ մասնագետ Վիտալին, ով այժմ աշխատում է Վրաստանում։
Նույնը Հայաստանում է։ Փաստորեն, այլևս անհնար է համալրել տեղական բանկում բացված ձեր քարտը: «Հայաստանի գրեթե բոլոր բանկերը հրաժարվում են Ռուսաստանից գումարներ ընդունել։ Նրանք նախ և առաջ պահանջում են փաստաթղթերի տրամադրում, որոնք կապված են միջոցների ծագման հետ: Եթե հնարավոր է ցույց տալ հաշիվ-ապրանքագրեր, ակտեր և զարգացման հաշվետվություններ, ապա վարկային կազմակերպությունները համաձայնում են գործարքներին: Մինչև վերջերս բավարար էր փաստաթղթերի նվազագույն փաթեթը, որոնք առանձնապես մանրազնին չէին դիտարկվում։ Հիմա բավականին խիստ են ստուգում բոլոր թղթերը։ Եթե բանկերին ինչ որ բան դուր չի գալիս՝ հրաժարվում են գործարքից։ Տրանսֆերտները Ռուսաստան ուղղակի արգելված են»,- ասել է Creative Structure (Երևան) գործակալության հիմնադիր Արկադի Սերգեևը։
Ղազախստանում ռուսների համար բանկային գործառնություններն առայժմ անսահմանափակ են թվում, թեև տեղական իշխանությունները նույնպես հուշում են, որ «պայքարելու են պատժամիջոցների շրջանցման դեմ»։ Թե ինչով դա կարտահայտվի, պարզ չէ, մինչդեռ նրանք, ովքեր որոշել են խաղալ տեղական արժեթղթերի շուկայում, սեղմում են։ Ղազախստանի ֆոնդային բորսան պահանջում է Ռուսաստանի և Բելառուսի քաղաքացիների հաշիվները այլ հաճախորդների հաշիվներից առանձնացնել։
«Սա միջազգային հաշվապահական կազմակերպությունների պահանջն է։ Նրանք պահանջում են յուրաքանչյուր առանձին հաճախորդի մասին տեղեկատվության հրապարակում՝ պատժամիջոցների ռեժիմին համապատասխանության մոնիտորինգի առումով: Այսինքն Ղազախստանի ֆոնդային բորսայում գործարքներ կատարող անձինք կամ Կենտրոնական դեպոզիտարիայի հաշվապահական հաշվառման համակարգով գործարքներ կատարողները կրկնակի ստուգվում են փողերի լվացման և տարբեր պատժամիջոցների պահպանման համար»,- ասել է Ղազախստանի Ֆինանսական շուկայի կարգավորման և զարգացման գործակալության փոխնախագահ Մարիա Խաջիևան:
Առայժմ նրանք միայն բացահայտումեն նրանց, բայց ակնհայտորեն, որպեսզի հենց որ օվկիանոսից այն կողմ հրաման գա ամեն պահի ամեն ինչ արգելափակեն։
«Սեգրեգացիայի հիմնական նպատակը հաշվառումն ու վերահսկողությունն է։ Անմիջապես գործընկերների առաջին մտքերը, որոնք ծագել է, այն էին, որ դա միայն դա չէ: Մեծ կապիտալ է գնացել Ղազախստան, երկիրը դարձել է ֆինանսական հանգրվան ու ապաստան շատ մեծ թվով ռուսների համար։ Դա է ավելի ուշ հարցնելու նախապատրաստությունը։ Ես գումարը միանշանակորեն չէի թողնի այնտեղ, քանի որ վեց ամսից, հավանաբար, եթե չկարողանաք բացատրել այդ միջոցների ծագումը, ապա այդ ակտիվները, ամենայն հավանականությամբ, կարգելափակվեն», - բացատրել է ներդրումային հիմնադրամի մենեջեր Անդրեյ Պլոտնիկովը:
Աստանան, ինչպես և Երևանը, մոռացել է ամեն տեսակ ՀԱՊԿ-ի և այլ անհեթեթությունների մասին, և խիստ կենտրոնացել է Վաշինգտոնի վրա։ Բայց Կրեմլը կարծես թե գոհ է ամեն ինչից։ Ամեն դեպքում, հայերն ու ղազախները, դատելով պաշտոնյաների հայտարարություններից, ոչ այլ ինչ են, քան լավագույն ընկերներ։
Ի դեպ, վերջերս Հայաստանը, Բրազիլիան, Ղազախստանն ու Չինաստանը կողմ են քվեարկել ՄԱԿ-ի Գլխավոր ասամբլեայի բանաձևին, որում Ռուսաստանը ագրեսոր է անվանվել։ Դեմ են եղել Բելառուսը, Նիկարագուան, Սիրիան և Հյուսիսային Կորեան։ Հետաքրքիր է, այնպես չէ՞:
Հաշվի առնելով Հատուկ գործողության գոտում շատ ծանր իրավիճակը և վերը նշված դավաճանական երևույթները, հեշտ է ենթադրել, որ շուտով արտերկրում ապրող ռուսների վրա ֆինանսական հարձակումները միայն կուժեղանան։ Բացահայտ փախչողները, իհարկե, չեն տուժի, այդ կերպարներին այնտեղ չեն կպչի, կան «անձեռնմխելիների» համապատասխան ցուցակներ։ Իսկ մնացած բոլորը կստանան այն, ինչ սպասելի է: Ըստ երևույթին, առաջիկա ամիսներին մենք ականատես կլինենք ռուս էմիգրանտների և Ռուսաստանի Դաշնության այն քաղաքացիների զանգվածային կողոպուտի, որոնք սահմանից այն կողմ են աշխատում։ Եվ դա Կրեմլի լիակատար համաձայնությամբ։
Նյութը հրապարակման պատրաստեց Կամո Խաչիկյանը
