«Ապրելու երկիրը» դատարան է դիմել, պահանջում են հարգել օրենքը

«Ապրելու երկիր» կուսակցությունը վարչական դատարան պահանջ է ներկայացրել ուղղված կառավարության անգործությանը։ Կուսակցության համահիմնադիր Մեսրոպ Առաքելյանը մեկնաբանել է, որ կառավարությունը պարտավոր է նշանակել Երևանի ավագանու արտահերթ ընտրություններ։ «Ապրելու երկիրը» միակ քաղաքական ուժն է Հայաստանում, որը հստակ արձանագրում է՝ ստեղծված իրավիճակը Երևանում դուրս է օրենքի սահմաններից, իսկ «Քաղաքացիական պայմանագիրը» ապօրինություն է կատարել։

Ըստ Առաքելյանի՝ օրենքով պետք է քաղաքապետի ընտրությունը լիներ ավագանու կազմից, ինչը չլինելու դեպքում կառավարությունը պարտավոր էր սահմանափակել ավագանու լիազորությունները, ինչը ենթադրում է նոր ավագանու ընտրություններ։ Նման բան, ի դեպ, տեղի է ունեցել հենց 2018 թվականին, երբ «Իմ քայլը» խմբակցությունը արտահերթ ընտրությունների արդյունքում վերցրեց իշխանությունը Երևան քաղաքում։

Օրենքից օգտված իշխանությունն այսօր ինքն է ոտնահարում օրենքը և քաղաքական այլ ուժերի ընդդիմադիր միավորներ որևէ կերպ չեն բարձրաձայնում այս ապօրինության մասին։ «Ապրելու երկիրը» միակն է, որը հստակ արձանագրում է։

Ընթերցողի մոտ հարց կարող է ծագել, թե ինչու՞ գործող իշխանությունները չեն գնում օրենքի տառը կատարելու ճանապարհով, իսկ նրանց բազմաթիվ ընդդիմախոսներ էլ չեն պահանջում պահպանել օրենքը։ Թե՛ իշխանությունները, և թե՛ վերջիններս խորը կասկածներ ունեն սեփական հնարավորությունների նկատմամբ։ Եթե Տիգրան Ավինյանի և նրա թիմի դեպքում պարզ հասկանալի է, թե ինչու են ձգում, փորձում են հանրության շրջանում փոքր ինչ բարելավել իրենց ունեցած ցածր վարկանիշը, ապա ընդդիմության դեպքում չափազանց տարօրինակ է նման պահվածքը։

Բացառապես միայն «Ապրելու երկիրն» է, որը պահանջում է արտահերթ ընտրություններ։ Ըստ շատ վերլուծաբանների՝ հենց «Ապրելու երկիրն» է լինելու առաջիկա ավագանու ընտրություններում իշխանությունների թիվ մեկ մրցակիցը և բազմաթիվ այլ համայնքների օրինակով բոլոր շանսերն ունի Երևանում իշխանազրկելու «Քաղաքացիական պայմանագրին», իսկ Երևանը կորցնելուց հետո արդեն Փաշինյանին իշխանությունից հեռացնելը տեխնիկայի հարց է։

Կարապետ Բաբլոյան