Փաշինյանի ջանքերով Արցախում ներքաղաքական իրավիճակը կարող է սրվել

Հայաստանի վարչապետի պաշտոնը զբաղեցնեղ Նիկոլ Փաշինյանի անմիջկան ազդեցության հետևանքով Արցախում ներքաղաքական իրավիճակը կարող է սրվել։ Մեր աղբյուրների փոխանցմամբ՝ Արցախում նախօրեին անվտանգության խորհրդի նախկին քարտուղար Սամվել Բաբայանի սակավամարդ հանրահավաքից հետո, Արցախի նախագահ Արայիկ Հարությունյանը խորհրդակցությունների շարք է սկսել, ընդ որում Հարությունյանը որպեսզի իրենից հեռացնի հնարավոր փաստարկված կասկածները, խորհրդակցություններին հրավիրել  է ոչ միայն Սամվել Բաբայանին ու նրա կողմնակիցներին, այլ նաև Արցախի խորհրդարանական խմբակցություններին և նախկին պետնախարար Ռուբեն Վարդանյանին։

Բանն այն է, որ մի քանի օր առաջ էլ Ստեփանակերտի Վերածննդի հրապարակում շատ ավելի բազմամարդ հանրահավաք էր հրավիրել Ռուբեն Վարդանյանը, ավելին Ռուբեն Վարդանյանը հայտարարել է խորհրդարանական խմբակցությունների արտախորհրդարանական ուժերի և հասարակական մի քանի կազմակերպությունների հետ Արցախի փրկության ճակատ ստեղծելու իր մտադրության մասին, ինչը ի դեպ լուրջ մտահոգություն է առաջացրել ոչ միայն Արցախի նախագահի, այլ նաև Նիկոլ Փաշինյանի մոտ։

Ադրբեջանի հետ ինտեգրման հարցերում չափազանց անզիջում դիրքորոշում դրսևորող Ռուբեն Վարդանյանի վարկանիշը Արցախում չափազանց բարձր է և գնալով բարձրանում է։ Ըստ էության դա նշանակում է, որ Նիկոլ Փաշինյանը լրջագույն խնդիրների է բախվելու Արցախը ադրբեջանին հանձնելու իր հանցավոր մտադրությունների մեջ։ Այդ նպատակով էլ Փաշինյանն Արցախում ակտիվացնում է իր հետ կապ ունեցող քաղաքական ուժերին և տարբեր անձանց։

Օրեր առաջ Արցախի նախագահին կից մի անհեթեթ կառույցի ղեկավար էր դարձել ոմն Տիգրան Պետրոսյան, որի հռետորաբանությունը շատ քիչ է տարբերվում Փաշինյանի և նրա կողմնակիցների հռետորաբանությունից։ Սամվել Բաբայանն էլ, որը մտադիր է շանտաժով գրոհել պետնախարարի պաշտոնը , ոչնչի առջև մտադիր չէ կանգ առնել։ Այս պարագայում չափազանց ծանր է Արայիկ Հարությունյանի վիճակը, մի կողմից նա ստիպված է լինելու ենթարկվել Նիկոլ Փաշինյանին, այլապես լուրջ խնդիրներ կունենա նրա հետ, մյուս կողմից էլ չի կարողանում մարդավարի բացատրել արցախցիներին, թե ինչու՞ է նա դարձել Նիկոլ Փաշինյանի խամաճիկը և կատարում նրա բոլոր հրահանգները։

Աշոտ Բեգլարյան