Դատարանների ապտակը փաշինյանական իշխանությանը
ՎԵՐԼՈՒԾՈՒԹՅՈՒՆՆԵՐ
Դատավորները երեկ ընդհանուր ժողով են գումարել և Բարձրագույն դատական խորհրդի երկու անդամներ ընտրել։
Գաղտնիք չէ, որ փաշինյանական իշխանությունն ամեն ինչ փորձում է անել անկախ դատական համակարգը վերացնելու և բոլոր դատավորներին իր կամակատարները դարձնելու ուղղությամբ։
Հենց այդ նպատակով ԲԴխ գործուղվեց Կարեն Անդրեասյանը, որն էլ ամեն ինչ անում է ԲԴԽ-ից անկախ և իշխանություններին չհնազանդվող մարդկանց հեռացնելու, բարձրագույն դատական խորհուրդը փաշինյանական իշխանության պատժիչ մարմնի վերածելու համար։
Թերևս երեկ տեղի ունեցած քվեարկությունը անակնկալ կարող էր համարել հենց թե՛ Կարեն Վարդանյանի և թե՛ նրա անմիջական ղեկավարի համար։
ԲԴԽ դատավոր անդամներ են ընտրվել վերաքննիչ քրեական դատարանի դատավոր Արշակ Վարդանյանն ու սնանկության դատարանի դատավոր Արթուր Աթաբեկյանը։ Աթաբեկյանը ստացել է 168 կողմ ձայն, Արշակ Վարդանյանը՝ 172, երրորդ թեկնածուն, որի համար լոբբինգ էր անում Կարեն Անդրեասյանը, Ռուբիկ Մխիթարյանը ստացել է 71 քվե։ Մխիթարյանը չափազանց տխուր համբավ ունի և համարվում է տարբեր տարիների իշխանությունների կամակատարներից մեկը։
Բարձրագույն դատական խորհուրդի երկու դատավորների ընտրությունից առաջ տեղեկություն տարածվեց, որ թափուր տեղի առաջացման համար ծանուցումներ չեն ուղարկվել առաջադրման չափանիշները բավարարող բոլոր դատարաններին ու դատավորների, իսկ նման գործելաոճի տրամաբանությունը կամ բացատրությունը չի ներկայացվել, ուղարկվել են միայն սնանկության վերաքննիչ քրեական և մարզերի ընդհանուր իրավասության քրեական դատարաններին։
Ըստ էության, գործող իշխանությունները փորձում էին ամեն ինչ անել առնվազն գոնե Ռուբիկ Մխիթարյանին ԲԴԽ անդամ դարձնելու, այդ պարագայում իշխանությունը լիակատար մեծամասնություն կձևավորեր և մեկ-երկու անկախ դատավորները չէին կարողանա որևէ կերպ հարցեր բարձրացնել դատական համակարգի անկախության վերաբերյալ։
Նույնիսկ մամուլում տեղեկություններ են շրջանառվել, որ Անդրեասյանը մտադիր է հրաժարական ներկայացնել, եթե իր ցանկալի անձը ԲԴԽ անդամ չդառնա։ ԲԴԽ-ն հերքեց ԱՆդրեասյանի հրաժարականի մասին տեղեկությունը, այդուհանդերձ խորհրդի անդամներ դարձան երկու դատավորներ, որոնց որևէ կերպ գործող իշխանության կամակատարներ համարել չի կարելի։ Հայաստանում դատական համակարգի վերջնական վախճանի մասին լուրերը չափազանցված են, դեռևս կան մարդիկ, որ փորձելու են պայքարել փաշինյանական իշխանության կամայականությունների դեմ։
Սուրեն Կարապետյան
