Քաղաքագետ Նևերովը նշել է հետխորհրդային երկրների ապագայի երեք հնարավոր ռազմավարություն
ՎԵՐԼՈՒԾՈՒԹՅՈՒՆՆԵՐ
Pulseday.ru-ն գրում է, որ քաղաքագետ, տնտեսական գիտությունների դոկտոր, հոգեբանական և տնտեսական հետազոտությունների ինստիտուտի տնօրեն Ալեքսանդր Նևերովը կարծում է, որ Ղազախստանը, Հայաստանը, Ադրբեջանը, Ուզբեկստանը, Ղրղզստանը, Մոլդովան և հետխորհրդային տարածքի այլ երկրները կարող են ընտրել իրենց ապագայի ռազմավարությունների երեք զարգացում։
Առաջինը, ըստ փորձագետի, ԱՄՆ-Մեծ Բրիտանիա ընտրությունն է և նրանց հաղթանակի վրա խաղադրույք կատարելը։ Այս դեպքում «ընտրողները», Բալթյան երկրների օրինակով, կներառվեն համաշխարհային կառավարության գավառների թվում։ Դա ձեռնտու է առաջին հերթին տեղական էլիտաներին, որոնց համար հասանելի կլինի համաշխարհային էլիտայի միջին կամ ցածր մակարդակի կարգավիճակը։ Բայց եթե արևմտյան գլոբալիստները պարտվեն, հետևանքները կարող են տխուր լինել նրանց հետագա զարգացման համար։
Երկրորդ ռազմավարությունը, ըստ Նևերովի, ընտրությունն է դեպի բազմակենտրոնություն, որի դեպքում անհրաժեշտ է ինքնիշխան քաղաքականություն վարել և հարաբերություններ պահպանել բոլորի հետ։ Այդ ընտրության ռիսկը մեկն է, և ըստ քաղաքագետի, այն կապված է Արևմուտքի գլոբալիստական նախագծի հաղթանակի դեռևս մնացած հնարավորության հետ։
Իրադարձությունների զարգացման երրորդ տարբերակն է սպասել և դիտել, թե ով է հաղթում, և դրանից հետո մշակել սեփական ռազմավարությունը։ Փորձագետը ենթադրում է, որ այդ վերջին տարբերակի ռիսկն այն է, որ հնարավոր է, որ անհրչաժեշտ լինի երկար սպասել և ի վերջո պարտվել ցանկացած հաղթողի դեպքում:
Ղազախստանը, ըստ Նևերովի, ընտրել է երկրորդ և երրորդ ռազմավարությունների համադրությունը։ Մյուս հետխորհրդային պետությունների մեծ մասը ևս հետևել է այդ օրինակին։ Ընդ որում, ոչ Պեկինը, ոչ Մոսկվան, ի տարբերություն Արևմուտքի, չեն ստիպում երկրներին որոշել, թե ում հետ են։
Հետխորհրդային երկրների ընտրած ռազմավարությունները հաջորդ մեկուկես տարվա ընթացքում չի փոխվի, ենթադրել է փորձագետը։
Նյութը հրապարակման պատրաստեց Կամո Խաչիկյանը
