Ադրբեջանը հերթական սադրանքն է փորձում ձևակերպել
ՎԵՐԼՈՒԾՈՒԹՅՈՒՆՆԵՐ
Արցախում իրավիճակը լարելուն զուգահեռ, Ադրբեջանը հերթական սադրանքն է փորձում ձևակերպել։ Ադրբեջանի նախագահի աշխատակազմը հերթական անգամ առաջարկել է Բաքվում հանդիպում անցկացնել Ղարաբաղի հայ համայնքի ներկայացուցիչների հետ, ընդ որում, ըստ ադրբեջանական լրատվամիջոցների տարածած տեղեկությունների, առաջարկվում է քննարկել վերաինտեգրման, ինչպես նաև Ղարաբաղում ենթակառուցվածքային նախագծերի իրականացման հարցերը։
Վերաինտեգրում ասվածը Ադրբեջանի իշխանությունները հասկանում են բացառապես Արցախի հայաթափումը, Արցախի բոլոր ենթակառուցվածքներն ու կառավարման լծակների իրենց ձեռքը վերցնելուց հետո, Ադրբեջանը արցախահայության հետ անելու է նույնը, ինչ արել է Սումգայիթի և Կիրովաբադի հայության հետ՝ բռնությունների է ենթարկելու և տեղահանելու, ինչը Արցախի իշխանությունները բազմիցս հայտարարել են, թե բնավ ցանկություն չունեն բանակցելու վերաինտեգրման հարցի շուրջ, ավելին, մարտի 1-ին կայացած առաջին հանդիպմանը, երբ Ադրբեջանի ներկայացուցիչը փորձել էր նման քաղաքական հարցեր բարձրացնել, Արցախի պատվիրակության ղեկավարը սաստել էր նրան և նշել, թե քննարկելու են բացառապես էներգամատակարարման վերականգման հարցերը։
Դրանից հետո ևս մեկ հանդիպում էլ տեղի է ունեցել մարտի 3-ին և կրկին ճանապարհների բացման ուղղությամբ։ Ըստ էության, Ադրբեջանը չի թողնում, որ փորձեն Արցախը ստրկացնելու, նաև միջազգային հանրությանը փորձում է ներկայացնել, թե ինքը հակված է Լեռնային Ղարաբաղի բնակչության կյանքն ու անվտանգությունն ապահովելու, սակայն արցախցիներն իրենք են դեմ այս հանգամանքին։
Դա լեգիտիմ հնարավորություն կտա Ադրբեջանին, հերթական անգամ սրելու իրավիճակը և ավելի լայնածավալ էսկալացիա սադրելու։ Ցանկացած պարագայում արցախցիներն ու Հայաստանը չունեն այլընտրանք, քան մերժեն Ադրբեջանի ապօրինի պահանջները և Ռուսատանից պահանջեն կատարել իր պարտավորությունները, իսկ միջազգային հանրությունից էլ ավելի խիստ գործողություններ ձեռնարկեն, այդ թվում փաստահավաք առաքելության ուղարկումը Հայաստան, կամ էլ ռուս խաղաղապահներին առանձին մանդատ տալը, որի շնորհիվ խաղաղապահները կկարողանան ավելի արդյունավետ իրականացնել իրենց պարտականությունները։
Սոնա Պետրոսյան
