Պետդումայի պատգամավոր Զատուլինը Երևանի որոշման մասին. «Անցում դեպի արևմտամետ կողմնորոշում»
ՎԵՐԼՈՒԾՈՒԹՅՈՒՆՆԵՐ
NEWS.ru-ն գրում է, որ Հայաստանի Սահմանադրական դատարանը պետք է հասկանա, թե ինչպես կարող է Միջազգային Քրեական Դատարանի Հռոմի կանոնադրության ընդունման վերաբերյալ որոշումը ընկալվելու Ռուսաստանում, NEWS.ru-ի հետ զրույցում ասել է Պետդումայի պատգամավոր Կոնստանտին Զատուլինը։
«Հայաստանի Սահմանադրական դատարանում ինչպես էլ բացատրեն նման որոշումը, պետք է հասկանան, թե Ռուսաստանում դա ինչ տպավորություն կթողնի։ Եթե նրանք ձգտել են դրան, ապա կարծում եմ, որ դա նրանց հաջողվել է։ Հետաքրքիր կլինի ևս մեկ անգամ լսել Հայաստանի վարչապետից Ռուսաստանի Նախագահի (Վլադիմիր Պուտինի) հետ իր ավանդական սերտ և աննախադեպ բարեկամական հարաբերությունների մասին։ Բայց ես կարծում եմ, որ նա ելք կգտնի, ինչ որ բան կմտածի, օրինակ, որ հանրապետությունում Սահմանադրական դատարանը լիովին անկախ մարմին է»,- ենթադրել է Զատուլինը։
Մոսկվան «որոշ եզրակացություններ» անում է ոչ միայն Հայաստանի Սահմանադրական դատարանի այդ որոշման հիման վրա, հավելել է պատգամավորը։ «Հայաստանի վարչապետն ու նրա քաղաքական դաշնակիցները, աստիճանաբար դեն նետելով իրենց դիմակները, անցում են կատարում ռուսամետից դեպի արևմտամետ ուղղվածություն»,- եզրափակել է խորհրդարանի ստորին պալատի պատգամավորը։
Հիշեցնենք, որ մարտի 24-ին Հայաստանի Սահմանադրական դատարանը Միջազգային Քրեական Դատարանի Հռոմի կանոնադրությամբ ամրագրված պարտավորությունները ճանաչել է երկրի սահմանադրությանը համապատասխան։ Այժմ Հռոմի ստատուտի վավերացումը պետք է քննարկվի խորհրդարանի կողմից։
Ավելի վաղ Պետդումայի միջազգային հարաբերությունների հանձնաժողովի նախագահի առաջին տեղակալ Սվետլանա Ժուրովան Հայաստանի Սահմանադրական դատարանի որոշումը «շատ տարօրինակ» էր անվանել։ Պատգամավորը ուշադրություն է հրավիրել այն փաստի վրա, որ այն ընդունվել է ՌԴ նախագահ Վլադիմիր Պուտինի կալանավորման վերաբերյալ Միջազգային Քրեական Դատարանի օրդերի տրամադրումից մեկ շաբաթ անց։
Նյութը հրապարակման պատրաստեց Կամո Խաչիկյանը
