Չինաստանը հայտարարել է պաշտպանական բյուջեի ավելացման մասին
ՄԻՋԱԶԳԱՅԻՆ
Չինաստանի պաշտպանական բյուջեի ավելացումը «տեղին եւ խելամիտ» է եղել եւ ուղղված է «անվտանգության դժվարին խնդիրների լուծմանը», շաբաթ օրը հայտարարել է երկրի խորհրդարանի մամուլի քարտուղար Վան Չաոն, հաղորդում է Associated Press-ը:
Միաժամանակ Չաոն չի ասել, թե կլինի արդյոք բարձրացման այնպիսի մակարդակ, որը ավելի բարձր, թե ցածր կլինի անցյալ տարվա 7,1%-ից, եւ որը կհայտարարվի կիրակի օրը Ժողովրդական ներկայացուցիչների համաչինական ժողովի ամենամյա նստաշրջանի բացմանը։
Սակայն, նա ասել է, որ պաշտպանական բյուջեն մնում է կայուն՝ որպես ՀՆԱ-ի մասնաբաժին, եւ որ Չինաստանի ռազմական արդիականացումը «սպառնալիք չի լինի որեւէ երկրի համար»:
«Ընդհակառակը, դա միայն դրական ուժ կլինի տարածաշրջանային կայունության եւ համաշխարհային խաղաղության պահպանման համար»,- մամուլի ասուլիսում ասել է Վանը լրագրողներին։
«Պաշտպանական ծախսերի ավելացումն անհրաժեշտ է անվտանգության բարդ խնդիրները լուծելու եւ որպես խոշոր երկիր՝ Չինաստանի պարտականությունները կատարելու համար»,- ասել է նա:
«Չինաստանի պաշտպանական ծախսերը... ցածր են համաշխարհային միջինից, եւ դրանց աճը տեղին է ու խելամիտ»,- հավելել է նա:
Համաշխարհային բանկի տվյալներով՝ Չինաստանը 2021 թվականին ՀՆԱ-ի 1,7%-ը ծախսել է ռազմական կարիքների համար, մինչդեռ ԱՄՆ-ն իր հսկայական արտաքին պարտավորություններով ծախսել է համեմատաբար ավելի շատ՝ 3,5%:
Աշխարհի ամենամեծ մշտական բանակի հետ մեկտեղ Չինաստանն ունի աշխարհի ամենամեծ ռազմածովային նավատորմը եւ վերջերս ծով է հանել իր երրորդ ավիակիրը: Նա կարող է պարծենալ հրթիռների հսկայական պաշարներով, ինչպես նաեւ անտեսանելի ինքնաթիռներով, ռմբակոծիչներով, որոնք կարող են միջուկային զենքեր տեղափոխել, առաջադեմ վերջրյա նավերով եւ միջուկային սուզանավերով:
