Իրանի ԿԱՍԲ նախարարը ՄՍԾ պետ Էդուարդ Պետրոսյանի ուղեկցությամբ այցելել է Ծառայության Շենգավիթի տարածքային կենտրոն

«Հայկական կողմն այսօր ընդունել է իրանական պատվիրակությանը, համատեղ քննարկել աշխատանքի և սոցիալական պաշտպանության ոլորտում համագործակցության հնարավորությունները։

 

Նախարարները բարձր են գնահատել Հայաստանի Հանրապետության և Իրանի Իսլամական Հանրապետության միջև բարեկամական հարաբերությունների դերը և վստահություն հայտնել, որ նախարարությունների միջև փոխադարձ հետաքրքրություն ներկայացնող ոլորտներում կշարունակեն համատեղ աշխատանքներ իրականացնել՝ ելնելով երկու երկրների և ժողովուրդների լավագույն շահերից։

 

 ԱՍՀ նախարարությունում կայացած հանդիպումից հետո Միասնական սոցիալական ծառայության պետ Էդուարդ Պետրոսյանը Իրանի Իսլամական Հանրապետության պատվիրակության ներկայացուցիչներին ուղեկցել է Ծառայության Շենգավիթի տարածքային կենտրոն։

 

Հյուրերին ներկայացվել է տարածքային կենտրոնի կողմից իրականացվող աշխատանքներն ու մատուցվող ծառայությունները․ քննարկվել է զբաղվածության ծրագրերի, կենսաթոշակային ապահովության, հաշմանդամություն ունեցող անձանց իրավունքների իրացման վերաբեյալ մի շարք հարցեր։

 

Իրանական կողմը հայ գործընկերներին ներկայացրել է նաև իրենց երկրի սոցիալական պաշտպանության ոլորտի առաջնահերթություները, իրականացվող ծրագրերը։

 

Առանձնազրույցի ընթացքում քննարկվել է նաև համատեղ փոխըմբռնման հուշագիր ստորագրելու հնարավորությունը, որտեղ կդիտարկվի երկկողմ փոխշահավետ ծրագրերի իրականացումը»,- ասված է հաղորդագրության մեջ։