Արևմուտքը նոր ճակատ է բացում Ռուսաստանի դեմ

Ռուս-ուկրաինական պատերազմից և Հայաստանում արտաքին քաղաքական վեկտորի փոփոխություններից հետո, երրորդ ճակատը դառնալու է Մոլդովան։

Մոլդովայի արտաքին գործերի և եվրոպական ինտեգրման նախարար Նիկոլաև Պոպեսկուն հայտարարել է, թե իրենց կառավարությունը սկսել է ԱՊՀ շրջանակում ստորագրված համաձայնագրերի չեղարկման գործընթացը, իսկ Մոլդովան հայտարարել է Եվրամիությանն անդամակցելու իր մտադրության մասին։

Նշենք, որ նախօրեին բավականին ուշագրավ իրադարձություն է տեղի ունեցել։ Մոլդովայի նախագահ Մայա Սանդուին շատ հանկարծակի կանչել են Լեհաստան, որտեղ նա հանդիպում է ունեցել ԱՄՆ նախագահ Ջո Բայդենի հետ, թե ի՞նչ են իրականում քննարկել Մոլդովայի և ԱՄՆ-ի ղեկավարները, որևէ կերպ չի հաղորդվում, սակայն դրանից հետո Մոլդովան կտրուկ հայտարարել է Ռուսաստանի հետ իր կապերը գրեթե խզելու մասին։

Ավելին, Մոլդովայում հայտարարել են օտարերկրյա հետախուզական ցանցի բացահայտման մասին, որում ներառված են երկրի քաղաքացիներ և օտարերկրացիներ։Նրանք կասկածվում են դավաճանության և լրտեսության մեջ։ Վերջին շրջանում, հատկապես կապված Մերդնեստրի իրադարձությունների հետ, Մոլդովայի և Ռուսաստանի հարաբերությունները կտրուկ սրվել են։

ՌԴ նախագահի մամուլի քարտուղար Դմիտրի Պեսկովը ստիպված է եղել մի քանի անգամ նախազգուշացում անել Մոլդովային, որ կարող են լուրջ խնդիրների բախվել, սակայն արևմտյան երկրներին չափազանց քիչ է հետաքրքրում Մոլդովայի բնակչության ճակատագիրը, նրանց պետք է ավելի ու ավելի լայն ճակատով պայքարել Ռուսաստանի դեմ, ուստի և ողջ թափով անցել են առայժմ քաղաքական մեթոդներով հարձակման։

Նման մի ճակատ դառնալու ճանապարհին էլ Հայաստանն է, որն այլևս եվրամիության դիտորդների տեղակայումից հետո, չի թաքցնում Ռուսաստանի հետ առկա կապերը թուլացնելու, արտաքին քաղաքական վեկտորը փոխելու տրամադրությունների մասին։ Առաջիկայում, ընդհուպ խոսում են, որ Արևմուտքը կարող է նման մի օպերացիա իրականացնել Ղազախստանում, որտեղ իշխող Կասիմ Ժոմարտ Տոկաևը ևս մտադիր է պոկվել Ռուսաստանից և սեփական բռնապետությունը կառուցել։

Սարգիս Մուրադյան