Ռուսաստանի հակազդեցությունը  ուղղված է լինելու հենց Հայաստանին

Եվրամիությունը նախատեսում է հաջորդ շաբաթ Հայաստան ուղարկել 100 հոգանոց քաղաքացիական առաքելություն։ Այս մասին Twitter-ում գրել է Եվրահանձնաժողովի ղեկավար Ուրսուլա ֆոն դեր Լեյենը։

«ԵՄ-ն հաջորդ շաբաթ կուղարկի 100 հոգուց բաղկացած առաքելություն՝ նպաստելու խաղաղությանն ու կայունությանը»,-նշել է պաշտոնյան։ Նա նաև ասել է, որ ուրախ է հանդիպել ՀՀ վարչապետ Նիկոլ Փաշինյանի հետ՝ նշելով, որ Եվրամիությունը Հայաստանի նվիրյալ գործընկերն է։ 

Սրանով իհարկե մարտահրավեր է նետվում Հայաստանի ռազմավարական դաշնակից  Ռուսաստանին: Ակնհայտ է, որ Փաշինյանին ավելի շատ հետաքրիր է ԵՄ օգնությունը, քան ՀԱՊԿ-ի: Ռուսաստանի հնարավոր հակազդեցությունը Հայաստանի համար կարող են լինել շատ բացասական: Պատճառը այն է, որ Ռուսաստանը դիտարկում է հենց Հայաստանը որպես թույլ կողմ, որը խախտում է ստատուս քվոն։ Դրա պատճառները և՛ Հայաստանի դիվանագիտական տապալումն է, և՛ Հայաստանի օբյեկտիվ իրավիճակն ու Թուրքիայի ազդեցությունն այս տարածաշրջանում։

Այսպիսով, Ռուսաստանի հակազդեցությունը  ուղղված է լինելու հենց Հայաստանին, որը կարող է լինել և՛ տնտեսական դաշտում, և՛ քաղաքական, նույնիսկ՝ ռազմական, որովհետև Ռուսաստանը կարող է աչք փակել Ադրբեջանի հետագա հարձակումների վրա և ասել, որ դա այլևս իրեն չի վերաբերում։ 

Տնտեսական առումով պատիժը կարող է լինել, օրինակ՝ ԵԱՏՄ-ից դուրս թողնելը, ՌԴ-ում աշխատող հայերը չեն ունենա այսօրվա հնարավորությունները և այլն:  Բանն այն է, որ ՌԴ-ի հետ համագործակցության կապերի խզելու փոխարեն իշխանությունը մեզ առաջարկում է բարի դրացիական հարաբերություններ Թուրքիայի հետ՝ Անիի կամուրջի անհեռանկար գործարկում  և այլն: Արդյո՞ք այս գինը ՀՀ քաղաքացիներին պետք է: Իսկ հայ-թուրքական հարաբերությունների կարգավորմնան գինը՝ նախապայմանը, Արցախից հրաժարումն է, որին դեմ չէ վարչապետ Փաշինյանը: Իսկ պրոթուրքական քաղաքականություն վարելու համար Ռուսաստանը հաստատ պատժելու է Հայաստանին և դրա գինը, իրապես շատ բարձր է լինելու:

Աննա Ավետիսյան