Երևանում կայացել է «Հայկական գետ» ակումբի առաջին հանդիպումը
ՀԱՍԱՐԱԿՈՒԹՅՈՒՆ
Realtribune.ru–ն գրում է, որ փետրվարի 11-ին «ИА Реалист» լրատվական գործակալության գլխավոր խմբագիր Սարգիս Ծատուրյանը Երևանում անցկացրել է «Armenian River» (Հայկական գետ) ակումբի առաջին հանդիպումը հանդես գալով «Արցախը և Սյունիքը հայկական հարցում. մարտահրավերներ և վտանգներ» թեմայով դասախոսություն-քննարկումով։
Հանդիպման սկզբում Սարգիս Ծատուրյանը հանդիպման մասնակիցներին նվիրել է ակումբի տարբերանշանը. «Տարբերանշանի կենտրոնական տեղը զբաղեցնում է գետը, ինչը նշանակում է, որ հայ ժողովուրդը միավորված է իր առաքելությամբ: Գետը պատկերված է Հ տառի տեսքով։ Նավակի վրա կա երեք թիավար, որոնք խորհրդանշում են Երրորդությունը։ Ինչու՞ Երրորդություն: Որովհետև մարդկությունը Հայաստանում երեք անգամ վերածնվել է հոգևոր նոր հիմքերի վրա։ Առաջին անգամ եղել է Եդեմի պարտեզի ստեղծման ժամանակ։ Երկրորդը այն օրն է, երբ Նոյան տապանը իջավ Արարատ լեռան վրա։ Երրորդը 301 թվականն է, երբ Մեծ Հայքը քրիստոնեությունն ընդունեց որպես պետական կրոն։
Այսինքն Հայաստանն իր ճակատագրով խորհրդանշում է Երրորդությունը։ Գետը հոսում է դեպի Արարատ լեռ, որը ծանոթացման կարիք չունի։ Երկնքում չորս ութաթև աստղ կա: Դրանք բիբլիական չորս գետերն են՝ Եփրատը, Տիգրիսը, Քուռը և Արաքսը, որոնք սկզբում նշում էին Եդեմի այգու, ապա Արարատյան թագավորության, իսկ ավելի ուշ Մեծ Հայքի սահմանները։ Գետերը խորհրդանշում են Աստծո հետ հայ ժողովրդի պայմանագիրը, որը կնքվել է հավերժության համար: Ամենակարողը մեզ տվել է այն հողը, որը մենք պետք է պաշտպանենք և որի վրա պետք է իրականացնենք Նրա Կամքը։ Ուստի զինանշանի վրա նշված է ութաթև աստղը, որն անձնավորում է հավերժությունը։Երկիր մոլորակի գետերը ենթարկվում են համընդհանուր ձգողության օրենքին։ Եվ նրանք չեն խախտում ֆիզիկան: Ուստի Հայ գետում համախմբված մեր ժողովուրդը պետք է առաջնորդվի օրենքներով, բայց ոչ թե ֆիզիկական, այլ մետաֆիզիկական։ Այսինքն հետևել Ամենակարողի օրենքներին, որոնց կատարումը մեզ թույլ կտա վերադարձնել մեր կորցրած հողերը՝ Արարչի հետ պայմանագրի վերականգնման միջոցով»:
Խոսելով հայկական հարցում Արցախի և Սյունիքի դերի մասին Ծատուրյանն ընդգծել է, որ օկուպացված հայկական հողերի ազատագրումը ոչ այնքան քաղաքական, որքան առաջին հերթին հոգևոր խնդիր է, որը չի ենթադրում փոխզիջումներ «խաղաղության դիմաց 7 շրջան հանձնելու» բանաձևով: «Հայաստանի իշխող դասակարգը չհասկացավ և չի հասկանում Արցախի և Սյունիքի արժեքը մեր ժողովրդի ճակատագրում»,– ասել է Ծատուրյանը: «Հայկական գետ» ակումբի առաջին հանդիպմանը մասնակցել են կրթության, գիտության, տնտեսության, ֆինանսների, ՏՏ տեխնոլոգիաների, բժշկության և հանրային ծառայության աշխարհի ականավոր ներկայացուցիչներ, և քննարկվել են Հայաստանի համակողմանի զարգացման հարցեր։ «Հայկական գետ» ակումբի նպատակն է համախմբել համախոհներին ստեղծելու աշխատանքային խմբեր, որոնք թույլ կտան մշակել երկարաժամկետ համակարգային ճգնաժամից Հայաստանի դուրս գալու ծրագիր։
Նյութը հրապարակման պատրաստեց Կամո Խաչիկյանը
