Թուրքիան հայտարարել է Նոյյան տապանի հավանական բեկորների հայտնաբերման մասին. ի՞նչն է անհանգստացնում իսլամիստներին այդ լուրերում
ՎԵՐԼՈՒԾՈՒԹՅՈՒՆՆԵՐ
Planet-today.ru–ն գրում է, որ թուրքական երկու համալսարանների փորձագետները հայտնել են փայտե բեկորների հայտնաբերման մասին, որոնք կարող են լինել Հին Կտակարանի տապանի բեկորները։
The Daily News-ը կիսվել է սենսացիայով: Թերթի նյութում գիտնականները պատմել են, որ Արարատ լեռան վրա (թուրքական տարբերակով՝ Ագրա) հայտնաբերել են տարօրինակ փայտե բեկորներ։ Այդ տարածքում ծառ գտնելն ընդհանուր առմամբ խնդրահարույց է, ոչ տիպիկ: Եվ դրա հյուսվածքը գիտնականներին հանգեցրել է որոշ մտորումների:
Մասնագետները կատարում են անհրաժեշտ լաբորատոր հետազոտություններ։ Ինչպես հայտնի է Աստվածաշնչից և մի շարք այլ աղբյուրներից, Նոյի կառուցած տապանի նյութը գոֆերի փայտից էր, այն աճում էր այդ օրերին Եփրատի հովտում։
Նախապես գոյություն ունեցող վարկածի համաձայն տապանը պետք է փնտրել մի քանի տասնյակ կիլոմետր հեռավորության վրա այն կետից, որտեղ այժմ գտել են արտեֆակտը։ Թեև տապանի բեկորների «տիտղոսին» արժանացած բեկորները հայտնաբերվել են ավելի վաղ նաև Արարատի այլ վայրերում։
Պատմականորեն Արարատը համարվում էր Հայաստանի խորհրդանիշը։ Հայտնի է, որ նրա զինանշանի վրա տապանի պատկեր կա։ Բայց, ավաղ, Արարատը Թուրքիայի տարածքում է մոտ մեկ դար, լեռան հյուսիսային լանջերը Հայաստանից դուրս են։
Հարևանների հարաբերություններն էլ «անամպ չեն», և այժմ Թուրքիան հնարավորություն ունի իր «գերակայությունը» ցույց տալ նաև քրիստոնեական սրբավայրերի ոլորտում։ Բացի այդ, եթե վերլուծությունները հուսադրող լինեն, ապա Թուրքիան ամուր հեռանկարներ կունենա նոր զբոսաշրջային կլաստերի զարգացման համար։
Մի բան կա, մի բայց... Ղուրանը Նոյյան տապանի ափհանման վայրը անվանում է ոչ թե Արարատ, այլ Ջուդի: Դա 2089 մետր բարձրությամբ լեռ է Թուրքիայի հարավ-արևելքում՝ Սիրիայի և Իրաքի հետ սահմանների մոտ։ Կան մի շարք իսլամական մարգարեություններ, որ Նոյ-Նուհի նավը կհայտնաբերվի աշխարհի վերջի նախօրեին: Միգուցե՞ այդքան շատ էլ չարժե փնտրել Նոյան տապանը:
Նյութը հրապարակման պատրաստեց Կամո Խաչիկյանը
