Կնոջ առողջության համար ամենավտանգավոր կոսմետիկ միջոցը
ԱՄԵՆԱԸՆԹԵՐՑՎԱԾ
Գիտնականները պնդում են, որ ինչպես սնունդը, այնպես էլ կոսմետիկ խնամքի միջոցները շատ շուտ են հնանում: Ժամանակի ընթացքում դրանց մեջ հավաքվում են այնպիսի բակտերիաներ, որոնք, դեմքին դիպչելուն պես, վերածվում են վարակի աղբյուրի:
Վերջին հետազոտությունների արդյունքում պարզվել է, որ կանանցից շատերը օգտագործում են խնամքի միջոցներ, որոնց պահպանման ժամկետը վաղուց արդեն անցել է:
Ինչպես տեղեկացնում է 1or.am-ը, օրինակ` հին տուշի խոզանակի վրա հավաքված բակտերիաները կարող են պատճառ դառնալ կոնյուկտիվիդի առաջացման: Այդ պատճառով տուշը բացելուց հետո 6 ամիս անց այն արդեն պիտանի չէ օգտագործման:
Պահպանման ժամկետն անցած շրթներկը լավագույն դեպքում կչորացնի շրթունքները, իսկ վատագույն դեպքում շրթունքների վրա կառաջացնի ճաքեր ու գրգռվածություն: Շրթներկի վրձնի վրա ժամանակի ընթացքում հավաքվում են միկրոօրգանիզմներ, որոնք էլ իրենց հերթին դառնում են հերպեսի առաջացման պատճառ:
Ուշադրությո´ւն. պետք է միշտ հետեւել, որպեսզի սրվակների ու քսուքների վրա գրված լինի եւ՛ պահպանման ժամկետը, եւ՛ բացելուց հետո օգտագործման տեւողությունը:
