ԵՄ–ն որոշել է կապել հպարտ հայերի աչքերը երկու տարով. Լուռ դիտելը շարունակվում է
ՎԵՐԼՈՒԾՈՒԹՅՈՒՆՆԵՐ
Tsargrad.tv–ն գրում է, որ Եվրամիության խորհուրդը որոշել է իր քաղաքացիական առաքելությունը երկու տարով ուղարկել Հայաստան։ Նրա հիմնական նպատակն է լինելու ստեղծել այնպիսի պայմաններ, որոնք կնպաստեն հայ-ադրբեջանական հարաբերությունների կարգավորմանը։
Հայաստանի արտգործնախարար Արարատ Միրզոյանը բավականին դրական է արձագանքել այդ լուրին։ Սոցցանցի իր էջում նա գրել է, որ Երևանը լիովին պատրաստ է աջակցել եվրոպացի դիվանագետների գործունեությանը։
«Kremlin Laundress» հեռագրային ալիքի հեղինակները կարծում են, որ իրականում Հայաստանի իշխանությունները ցանկանում են ընդլայնել եվրոպական առաքելության ներկայությունը տարածաշրջանում։ Այսպիսով, ըստ Հայաստանի ղեկավարության մտահղացման ԵՄ պատվիրակությունը պետք է գտնվի Ադրբեջանի հետ սահմանային ողջ տարածքում։ Դրա համար կազմակերպությունը պետք է տարածաշրջան ուղարկի առնվազն 2000 մարդ: Դրանից հետո, ինչպես գրել է աղբյուրը, հայերը կցանկանան ազատվել տարածաշրջանում ռուսական ռազմական ներկայությունից և ոչ միայն դուրս կգան ՀԱՊԿ-ից, այլ նաև կպահանջեն դուրս բերել 102-րդ ռուսական ռազմաբազան։
««Հպարտ» հայերն այս ամբողջ ընթացքում, ինչպես ուկրաինացիները, լուռ հետևում են, թե ինչպես են Ռուսաստանի դեմ հերթական գործիք դառնալու համար իրենց փոխանցում Արևմուտքի պրոտեկտորատի տակ»,- ամփոփել են նյութի հեղինակները։
Նյութը հրապարակման պատրաստեց Կամո Խաչիկյանը
