Ալեքսանդր Լեբեդը կանխեց Հայոց ցեղասպանությունը Բաքվում
ՎԵՐԼՈՒԾՈՒԹՅՈՒՆՆԵՐ
Realtribune.ru-ն գրում է, որ նշելով Բաքվում Հայոց ցեղասպանության 33-րդ տարելիցը (1990թ. հունվարի 13-20), մենք հիշում ենք, որ Կուտուզովի անվան Տուլայի Կարմիր դրոշի շքանշանակիր 106-րդ գվարդիական օդադեսանտային դիվիզիան էր Ալեքսանդր Լեբեդի հրամանատարությամբ կանխել այդ քաղաքի հայ բնակչության ծրագրված ցեղասպանությունը: Մենք հիշում ենք հայերի ցեղասպանության ողբերգական օրերը Սումգայիթում, Բաքվում, Գյանջայում (մինչև 1991թ. Կիրովաբադ) և ողջ Ադրբեջանական ԽՍՀ-ում։
Այն ժամանակ ժամանակակից նացիստները սպանեցին ու վտարեցին ոչ միայն հայերին, այլ նաև ռուսներին, հույներին, ուկրաինացիներին, հրեաներին... Նման կերպ է իր «За державу обидно» գրքում գրել գեներալ Ա.Ի. Լեբեդը, գիրք որը լի է քաղաքացիական խիզախությամբ և որտեղ շատ պատկերավոր ու ճշմարտացի նկարագրված են այդ տարիների իրադարձությունները։ Այժմ, հիշելով այդ սարսափելի օրերը, դառնությամբ գիտակցելով, որ ռուս գեներալ Ա.Լեբեդը, իսկական սպան և հայրենասերը, այլևս ողջ չէ, մենք հարգանքի տուրք ենք մատուցում Բաքվում իրենց կյանքը զոհած դեսանտայինների հիշատակին: Ադրբեջանի ղեկավարների և «մտավորականության» կողմից հրահրված էր տասնյակ հազարավոր երեխաների, ծերերի և կանանց սպանդ անկախ ազգությունից, քանի որ նրանց ամբողջ դժբախտությունն այն էր, որ թուրք չէին։
Եվ հենց ռուս ուղղափառ մարտիկների խիզախության և անձնուրացության շնորհիվ խափանվեցին Կրեմլի հետ դավաճանությամբ ադրբեջանական իշխանությունների ծրագրածը, որն էր Բաքվի քրիստոնյա բնակչության ֆիզիկական ոչնչացումը և արտաքումը։ Վտարումը տեղի է ունեցել, բայց կարող էին ավելի շատ զոհեր լինել։ Մեր սերունդները կհիշեն, որ իրենց նախնիների և իրենց կյանքի փրկության համար պարտական են ոչ թե այն ռուս իշխանավորներին, ովքեր թիզ առ թիզ Ադրբեջանի թուրքերին էին հանձնում հայերից խլվող տարածքները և Միջազգային կոնվենցիաներով արգելված զանգվածային ոչնչացման զենք վաճառում Հայաստանի թշնամուն՝ «Ռուսաստանի միակ ռազմավարական դաշնակիցին», այսինքն Ադրբեջանին հայերի դեմ պատերազմելու համար:
Նյութը հրապարակման պատրաստեց Կամո Խաչիկյանը
