Փաշինյանական վարչախումբը Արցախը տեսնում է բացառապես Ադրբեջանի կազմում

Փաշինյանական վարչախումբը Արցախը տեսնում է բացառապես Ադրբեջանի կազմում։ Երեկ խորհրդարանում ճեպազրույցի ժամանակ «Քաղաքացիական պայմանագիր» խմբակցության պատգամավոր Սարգիս Խանդանյանը սկանդալային հայտարարություն է արել, որն այդպես էլ մնացել է բավարար չափով չլուսաբանված։

Թերևս պատճառը Գեղարքունիքի մարզում տեղի ունեցած ողբերգությունն էր, այլապես հանրությունը անարձագանք չէր թողնի Սարգիս Խանդանյանի այդ մտազեղումները։ Ըստ էության, հիշեցնենք, որ տևական ժամանակ քննարկվում էր, թե ղարաբաղյան հարցի կարգավորման վերաբերյալ գոյություն ունի երկու տարբերակ՝ արևմտյան և ռուսական։ Եթե ռուսական տարբերակը շատ ավելի ձեռնտու է հայկական կողմին և ժամանակավորապես առկախում է Արցախի կարգավիճակը, ինչպես նաև միտված էր տարածաշրջանում Ռուսաստանի դերի բարձրացմանը, ռուսական խաղաղապահ զորախումբը հնարավորինս ավելի երկար տարածաշարջանում պահելուն, ապա արևմտյան տարբերակը Հայաստանին և Արցախին մանևրելու որևէ տեղ չի թողնում, պարտադրում է փաթեթային լուծել Արցախի հարցը, Լեռնային Ղարաբաղը թողնել Ադրբեջանի կազմում՝ ալիևյան հրոսակների հոշոտմանը, փոխարենը Հայաստանի գործող իշխանությունները որոշակի անձնական երաշխիքներ են ստանում, նաև գումար Եվրամիությունից։

Փաշինյանը տևական ժամանակ հայտարարում էր, թե դեմ չէ ռուսական տարբերակին, բայց ի վերջո կարելի հստակ արձանագրել, որ գործող դավաճանական վարչախումբը համաձայնության է եկել Լեռնային Ղարաբաղի հարցը բացառապես ամերիկյան տարբերակով լուծելու օգտին։ Թերևս այս կապակցությամբ է վերջին շրջանում ռուսական կողմը իր դժգոհությունը հայտնում, իսկ օրեր առաջ էլ Սերգեյ Լավրովն էր նշել, թե Հայաստանի իշխանությունները նախընտրում են շփվել եվրամիության հետ։

Ըստ Խանդանյանի՝ իշխանությունն այսօր բանակցում է հենց ամերիկյան տարբերակով։ Բնականաբար ո՛չ Արցախից, ո՛չ էլ հայ հասրակության կողմից բավարար արձագանք չի եղել, հուսանք, որ առաջիկա օրերին հանրությունը կասի իր խոսքը և թույլ չի տա Նիկոլ Փաշինյանին և նրա սպասարկուներին վերջնականապես ադրբեջանական հրոսակներին թողնել Արցախը։

Նինա Սարգսյան