Բալասանյան. Փաշինյանի դեմարշի պատճառը երկրորդ ճակատ բացելու Արևմուտքի ցանկության պատճառով էր
ՎԵՐԼՈՒԾՈՒԹՅՈՒՆՆԵՐ
Pravda.ru-ն գրում է, որ Հայաստանն այս տարի նպատակահարմար չի գտնում իր տարածքում ՀԱՊԿ զորավարժություններ անցկացնել: Այդ մասին հայտարարել է վարչապետ Նիկոլ Փաշինյանը։ Սակայն նման որոշումը կարելի է սխալ համարել։ Այդ մասին խոսել է միջազգայնագետ Գրիգոր Բալասանյանը։ Ըստ նրա Փաշինյանի դեմարշի պատճառը երկրորդ ճակատ բացելու Արևմուտքի ցանկության պատճառով էր:
Զորավարժությունների անցկացման դեպքում Ռուսաստանը կարող էր Հայաստանի տարածքում թողնել իր զինտեխնիկայի մի մասը։ Բայց Արևմուտքին հետաքրքրում է այն, որ նույնիսկ դաշնակիցները չցանկանան գործ ունենալ Հայաստանի հետ։ Դա է Փաշինյանի մերժման հիմնական պատճառը, որին նրան մղել են։ Բալասանյանը նշել է, որ Մոսկվան, ամենայն հավանականությամբ, զարմացած է Հայաստանի վարչապետի որոշումից։
«Արևմուտքի հիմնական խնդիրն է վերջնականապես թուլացնել Հայաստանը, ոչնչացնել նրա բանակը, զրկել դաշնակիցներից, և վճռական պահին կառավարության հրաժարականով Հայաստանը ափսեի վրա հանձնել թուրք-ադրբեջանական տանդեմին։ Բայց նրանք մի բան չեն հասկացել։ Նրանք չեն հասկացել, որ ուժեղ և համառ Հայաստանը բխում է ոչ միայն հայերի, այլ առաջին հերթին Իրանի և Ռուսաստանի շահերից: Ի դեպ, նկատելի է, որ Արևմուտքը Հայաստանում սկսել է ակտիվորեն գործել Ուկրաինայում Ռուսաստանի ռազմական հաջողություններին զուգահեռ: Այսինքն նրանց օդ ու ջրի պես «երկրորդ ճակատի» կարիք ունեն, որը, ցավոք, այդպես էլ չի ցանկանում բացվել»,- եզրափակել է Բալասանյանը։
Նյութը հրապարակման պատրաստեց Կամո Խաչիկյանը
