Թուրքիան ամբողջ թափով պատրաստվում է Հայաստանի հետ սահմանների բացմանը
ՎԵՐԼՈՒԾՈՒԹՅՈՒՆՆԵՐ
Թուրքիան ամբողջ թափով պատրաստվում է Հայաստանի հետ հարաբերությունների կարգավորմանը և սահմանների բացմանը՝ դրա համար օգտագործելով բոլոր միջոցները՝ ոչ միայն քաղաքական և տնտեսական, այդ թվում նույնիսկ ռազմական։
Նախօրեին թուրքական լրատվամիջոցները տեղեկություն են տարածել, թե Թուրքիան Հայաստանի հետ սահմանին Արարատ լեռան վրա մոդուլային ռազմաբազա է կառուցում։ Ծովի մակերևույթից 2100 մետր բարձրության վրա գտնվող ռազմաբազան հագեցած է լինելու գիշերային տեսանելիության տեսախցիկների ժամանակակից համակարգերով և ինքնակառավարվող զենքերով, նշվում է, որ ռազմակայանը Թուրքիան կառուցում է «ահաբեկչության դեմ» պայքարելու համար։
Ամիսներ առաջ էլ տեղեկություն հաղորդվեց, որ թուրքականկողմը ականազերծում է Հայաստանի հետ սահմանի իր հատվածը, որ ինքն էր հենց ժամանակին ականապատել։ Թուրքական իշխանությունները նաև պատրաստվում են Հայաստանի հետ սահմանի 2 անցակետերի վերանորոգմանը, ինչպես նաև երկաթուղու վերանորոգնանը։
Ըստ էության՝ թուրքական իշխանությունները հրաշալի հասկանում են, որ Հայաստանի հետ սահմանի բացումը իրենց լրացուցիչ առավելություններ և ազդեցություններ են տալու և պատրաստվում են ահաբեկել, նույնիսկ ընդհուպ մինչև ահաբեկումների միջոցով հասնել Հայաստանի իշխանության լիակատար կամազրկման և իրենց ազդեցության տակ գցելուն։ Երեկ Թուրքիայի խորհրդարանի նածագահ Մուստաֆա Շենթոփը հայտարարել է, որ Թուրքիան անշեղորեն պաշտպանել և կշարունակի պաշտպանել «Ադրբեջանի արդարացի պահանջը»։
Նա ասել է, որ Հայաստանն իր գործողություններով սպառնում է տարածաշրջանի խաղաղությանը։ Անկարան հայկական կողմից սպասում է Ռուսաստան- Ադրբեջան-Հայաստան եռակողմ համաձայնությունների շրջանակաում ստանձնած պարտավորությունների կատարում։ Շենթոփը այս հայտարարություններն արել է թուրքական Անթալիայում անցկացվող ասիական խորհրդարանական վեհաժողովի շրջանակներում, Ադրբեջանի խորհրդարանի նախագահի հետ հանդիպմանը։
Երևանին մեղադրելով ոչ կառուցողական գործողությունների կապակցությամբ՝ մի կողմից Թուրքիան հստակ հասկացնում է, որ որևէ կերպ դաշնակցային կամ հավասարը հավասարի հետ հարաբերություններ չի հաստատելու Հայաստանի հետ, մյուս կողմից էլ փորձում ամեն ինչ անել իր տնտեսական, քաղաքական, մշակությանի էքսպանցիան նախապատրաստելու համար։
Իհարկե, ի տարբերություն մեր թշնամի պետության, Հայաստանի իշխանությունները բացարձակապես այս ընթացքում մատը մատին չեն խփել, ավելին ՝ կարելի է համոզված պնդել, որ իրենք էլ շահագրգռված են թուրքական այս էքսպանսիոնիստական քաղաքականության՝ դառնալով էրդողական իշխանության սպասարկուներից մեկը։
Լիանա Ազատյան
