Շրջափակման 24 օրը. Հայաստանի իշխանությունը սրում է հակառուսական տրամադրությունները
ՎԵՐԼՈՒԾՈՒԹՅՈՒՆՆԵՐ
Արդեն 24-րդ օրն է՝ Արցախը գտնվում է շրջափակման մեջ։ Մեր հայրենակիցները ծայրահեղ ծանր պայմաններում են դիմավորել Ամանորը և այժմ էլ շարունակում են կրել շրջափակման բոլոր դժվարությունները, մինչդեռ Հայաստանի իշխանությունները բավարար ջանքեր չեն գործադրում շրջափակումը բացելու և չեն կարողանում ոչ միայն բանակցել, այլ նաև համապատասխան կերպով ներկայացնել առկա խնդիրները։
Հատուկենտ պաշտոնյաներ, Արցախի պետնախարարը, որոշ գործիչներ միայն ներկայացնում են իրավիճակի ողջ լրջությունը, միևնույն ժամանակ Արցախի շրջափակումը և ռուսական խաղաղապահ զորակազմի անբավարար ջանքերը հնարավորություն են տվել փաշինյանական վարչախմբին և նրան սպասարկող «արևմտամետներին» մեղադրանքի սլաքները կրկին ուղղելու Ռուսաստանի ուղղությամբ և մեղքը իրենց վրայից բարդելով ռուսական կողմի վրա։
Իրավիճակն այնքան է սրվել, որ նույնիսկ Արցախի Ազգային ժողովի պատգամավորներն ու գործադիր իշխանության ներկայացուցիչները ստիպված են լինում հանդիպումներ սլսել շրջանների բնակչության հետ, ստեղծված իրավիճակի վերաբերյալ տեղեկություններ ներկայացնելու։
Մարտակերտի շրջանում կայացած հանդիպումներում բնակիչներին հորդորել են չտրվել հակառուսական տրամադրություններ սերմանող քարոզչությանը, նշել են, թե ռուսական խաղաղապահ զորախմբի ներկայությունն է ապահովում Արցախում 120 հազար քաղաքացիների կյանքը։
Հակառուսական տրամադրությունների աճի հետ զուգահեռ աճը արևմտյան երկրներն ու կազմակերպություններն օգտագործում են սեփական քաղաքական հաշվարկների Ռուսաստանի Դաշնությանը հերթական անգամ հարվածելու համար, փոխարենը Արևմուտքից որևէ լուրջ աջակցություն հայկական կողմը չի ստացել, հատուկենտ հայտարարություններ ձախողված հայտարարության ընդունում ՄԱԿ ԱԽ-ում , իսկ այսօր էլ հայտնի է դարձել, որ ԵԱՀԿ Մինսկի ամերիկացի համանախագահ, կովկասյան հարցերով ավագ խորհրդական Ֆիլիպ Ռիքքերը հեռանում է իր պաշտոնից, այդ մասին հայտնել է պետքարտուղարության խոսնակը։
Ռիքքերը բավական լուրջ և հմուտ դիվանագետ է համարվում և այդ պաշտոնին նշանակված ամենաբարձրաստիճան դիվանագետը։ Կարճ ժամանակ առաջ նրա նշանակումը բավականին մեծ հույսեր էր արթնացրել հայ արևմտամետների շրջանում։ Այժմ տեսնենք, թե ինչպես են նրանք պարզաբանելու Ռիքքերի հեռացումը։
Լիանա Գառոյան
