Գերմանիայի ԶՈւ-ն ի վիճակի է հետ մղել հարձակումը Գերմանիայի կամ նրա դաշնակիցների տարածքի վրա. Շոլց
ՄԻՋԱԶԳԱՅԻՆ
Բունդեսվերը (Գերմանիայի զինված ուժերը) ի վիճակի է հետ մղել հարձակումը Գերմանիայի կամ նրա դաշնակիցների տարածքի վրա։ Այս մասին Suddeutsche Zeitung-ին տված հարցազրույցում ասել է կանցլեր Օլաֆ Շոլցը։
«Բունդեսվերն արդյունավետ է, դա բազմիցս ապացուցվել է, և ցանկացած այլ հայտարարություն արդարացի չէ մեր զինվորների գործունեության հետ կապված։ Նրանք գործում են Գերմանիայում և աշխարհում՝ ապահովելու մեր անվտանգությունը»,- ասել է նա։
Շոլցը հավելել է, որ, ի տարբերություն նախորդ 30 տարիների, Բունդեսվերը կրկին ի վիճակի է հետ մղել Գերմանիայի վրա հարձակումը։ Նրա խոսքով՝ Գերմանիայի իշխանությունները կատարելագործում են զինված ուժերի բոլոր ճյուղերի տեխնիկան, այդ թվում՝ զինամթերքը։
Ավելի վաղ բրիտանացի դիտորդ Օլիվեր Մուդին Times Radio-ին հայտնել էր Գերմանիայում պահեստներում զենքի պակասի մասին՝ Ուկրաինային մեծածավալ մատակարարումների պատճառով։ Նրա գնահատականներով՝ պահեստներում մնացած Բունդեսվերը կբավականացնի ընդամենը երկու օր ինտենսիվ մարտերի համար։
Օլաֆ Շոլցը դեկտեմբերի 1-ին ՆԱՏՕ-ի գլխավոր քարտուղար Յենս Ստոլտենբերգի հետ համատեղ ասուլիսում հայտարարել էր, որ Բունդեսվերը գտնվում է ծանր վիճակում, քանի որ զինամթերքի պակաս է զգում։
