«Աղետի գոտու» վերացման մասին ՔՊ-ականների պոպուլիստական «փուչիկը» պայթեց
ՎԵՐԼՈՒԾՈՒԹՅՈՒՆՆԵՐ
Լոռու մարզպետ Արամ Խաչատրյանի ուղերձը երկրաշարժի զոհերի հիշատակի և Աղետների դիմակայության օրվա կապակցությամբ գրառում է կատարել, որտեղ, մասնավորապես, նշել է, որ թեև մարզում դեռևս կան տնակներում բնակվող ընտանիքներ, սակայն նրանց խնդրի լուծումը ևս կառավարության առաջնահերթ ծրագրերից է:
Մարզպետ Խաչատրյանը կամա թե ակամա բացահայտել է իր իսկ թիմակիցների տարիներ առաջ հնչեցրած թեզերի պոպուլիստական լինելը: Դիցուք՝ 2018-ին այն ժամանակ դեռևս սփյուռքի նախարար Մխիթար Հայրապետյանը հետևյալ գրառումն էր կատարել՝ «Քիչ առաջ տեսակապի միջոցով հանդես եկա ուղերձով «Հայաստան» հիմնադրամի և ARTN հեռուստաընկերության համատեղ ջանքերով կազմակերպված թելեթոնին, որի նպատակն է նոր կահավորված բնակարաններով ապահովել Գյումրիի «դոմիկներում» ապրող ընտանիքներին: Իմ խոսքում ասացի, որ եկել է ժամանակը, երբ Հայաստանի Հանրապետությունը պետք է լինի ոչ թե գոյատևելու վայր, այլև արժանապատիվ ու երջանիկ ապրելու հայրենիք: «Դոմիկները» Հայաստանում այլևս անելիք չունեն, սակայն դրան հասնելու համար հարկավոր է մեկտեղել մեր ջանքերը, լինել միասնական, մեկմեկու հանդեպ հոգատար: ՀՀ քաղաքացին պետք է լինի ու ապրի արժանապատիվ, դրան այլընտրանք չկա»:
Իշխող «Քաղաքացիական պայմանագիր» (ՔՊ) կուսակցության Գյումրու գրասենյակը հուլիսի 1-ին ֆեյսբուքյան էջում մի լուսանկար հրապարակեց, որը միանգամից տարածվեց սոցցանցերում։
Այդ լուսանկարում ևս նշվում էր, որ «ՀՀ վարչապետի հանձնարարականով 2020-ին երկրաշարժից տուժած 457 ընտանիքի բնակարանով ապահովելու համար հատկացվելու է 3 միլիարդ դրամ, ու այս հարցը մեկընդմիշտ լուծվելու է»
Վահագն Ալեքսանյանը նույնպես կիսվել էր այս գրառմամբ և գրառում կատարել։
Նիկոլ Փաշինյանը կառավարության նիստերից մեկի ժամանակ նույնպես սենսացիոն տեղեկություններ էր հայտնել՝ աննախադեպ ձեռքբերումներով հպարտանալով։
Այն, որ աղետի գոտի հասկացության մասին շուտով կմոռանանք հայարարում էր նաև Լոռու այն ժամանակվա մարզպետ Անդրեյ Ղուկասյանը։
Իսկ այժմ նույն ՔՊ-ականները հայտարարում են, որ աղետի գոտու վերականգնման խնդիրը ևս հինգ տարի է պահանջելու, դե իսկ նախկինում հնչեցրած թեզերի և խոստումների պոպուլիստակն բնույթն էլ բացահայտում են արդեն իրենց իսկ թիմակիցները...
