Ռուսական հեռուստատեսությամբ մեկ ձեռքի մատների վրա հաշվել են Ռուսաստանի դաշնակիցներին. «ՀԱՊԿ գոյություն չունի»
ՎԵՐԼՈՒԾՈՒԹՅՈՒՆՆԵՐ
Telegraf.news–ն գրում է, որ ռուսական «Россия 1» պետական հեռուստաալիքում հայտարարել են, որ ՀԱՊԿ-ը որպես հավաքական անվտանգության կազմակերպություն այլևս գոյություն չունի, իսկ նրա անդամները ՄԱԿ-ում աջակցում են ԱՄՆ-ին ու Արևմուտքին։ Ընդ որում Ռուսաստանի իրական դաշնակիցներին կարելի է հաշվել մի ձեռքի մատների վրա։ «ՀԱՊԿ գոյություն չունի, բայց թղթի վրա կա, և դա է նրա վնասակարությունն ու վտանգը։ Նրանք մեզ չեն օգնում: Ի վերջո, մենք այդ կազմակերպության պատանդներն ենք»,- Սոլովյովի հաղորդման եթերում վրդովվել է հրավիրված Պետդումայի պատգամավոր Սեմյոն Բաղդասարովը։ Նրա խոսքով Հայաստանում, Տաջիկստանում եւ Ղրղզստանում ռուսական ռազմակայանների առկայության պատճառով, եթե այնտեղ պատերազմ սկսվի՝ «ռուս զինվորներ կզոհվեն»։
Պատգամավորը նաև հայտարարել է, որ Ռուսաստանը պետք է որոշումներ կայացնի հիմնվելով «դաշնակից ՀԱՊԿ-ի կեղծ տեղեկատվության վրա»։
«Դուք հավատու՞մ եք, որ ՀԱՊԿ մեր այն դաշնակիցը, ով ավելի շատ հանդիպում է ամերիկյան հրամանատարության հետ, տարօրինակ հայտարարություններ է անում և, փաստորեն, նրանց հետ խաղում ՄԱԿ-ում, մեզ ճիշտ տեղեկատվություն կտա», - վրդովվել է Սոլովյովի հաղորդման հյուրը: Ինքը՝ հաղորդավարը, նույնպես կասկած է հայտնել ՀԱՊԿ-ի անհրաժեշտության մասին. «Մեր տարածքներ ներխուժել են՝ Զապորոժիե, Լուգանսկ, Խերսոնի շրջան։ Որտե՞ղ է ՀԱՊԿ-ը: Հարց է առաջանում, թե ի՞նչ է նշանակում այն կազմակերպության գոյությունը, որ եթե նրանց դա պետք է, ապա խնդրում են, բայց երբ մեզ է ինչ որ բան պետք՝ նրանք չունեն, տղերք», - ինքն իրեն հարց է տվել Սոլովյովը:
Ի դեպ, ավելի վաղ Ալեքսանդր Լուկաշենկոն ՀԱՊԿ գլխավոր քարտուղար Ստանիսլավ Զասի հետ հանդիպման ժամանակ առաջարկել էր քննարկել, թե ինչպես պետք է կազմակերպությունը հետագայում աշխատի այնպես, որ չկոչվի «թղթե վագր»։
Նյութը հրապարակման պատրաստեց Կամո Խաչիկյանը
