Սրտաբանը հայտնել է՝ ինչպես կարելի է կանխել կաթվածը
ՄՇԱԿՈՒՅԹ
Կաթվածը կանխելու համար պետք է վերահսկել արյան ճնշման մակարդակը և սրտի ռիթմը, ինչպես նաև իմանալ անոթների վիճակը և աթերոսկլերոզի աստիճանը։ Այս մասին Газета.Ru-ին հայտնել է սրտաբան, Atlas կլինիկաների ցանցի ֆունկցիոնալ ախտորոշման բժիշկ Աննա Դավիդովան։
«Կաթվածը կարող է լինել իշեմիկ կամ հեմոռագիկ: Իշեմիկ ինսուլտը տեղի է ունենում ուղեղի մի հատվածի արյունամատակարարման խախտման պատճառով։ Հեմոռագիկի դեպքում արյունահոսություն է առաջանում ուղեղում կամ նրա թաղանթներում», - բացատրել է նա:
Բժշկի խոսքով, հեմոռագիկ ինսուլտի հիմնական պատճառներն են հիպերտոնիկ ճգնաժամը կամ չվերահսկվող զարկերակային գերճնշումը` ճնշման բարձրացումը, որը դժվար է շտկել դեղամիջոցներով:
«Ինսուլտի այս տեսակը կարող է զարգանալ նաև արյան մակարդման խանգարումների, անոթային փոփոխությունների պատճառով»,- ասել է բժիշկը։
Հեմոռագիկ ինսուլտի զարգացումը կանխելու համար Դավիդովան խորհուրդ է տվել տարին մեկ անգամ անցնել բժշկական հետազոտություններ և վերահսկել արյան ճնշումը:
«Եթե ձեզ մոտ ախտորոշվում է զարկերակային հիպերտոնիայի սկզբնական փուլ, դուք պետք է դիմեք սրտաբանին և սկսեք բուժումը: Արյան ճնշման վերահսկումը կնվազեցնի հեմոռագիկ ինսուլտի ռիսկը»,- զգուշացրել է բժիշկը։
Իշեմիկ ինսուլտը ավելի տարածված է տարեց մարդկանց մոտ կամ եթե կա սրտի հիվանդություն:
«Կանխարգելման հիմնական ճանապարհը սրտաբանին պարբերական այցերն են, պարանոցի և սրտի անոթների ուլտրաձայնային հետազոտությունը»,- ասել է բժիշկը։
