Սամվել Բաբայանն Արցախում. ի՞նչ են հարցրել նրան արցախցիները
ՎԵՐԼՈՒԾՈՒԹՅՈՒՆՆԵՐ
Արցախի պաշտպանության նախկին նախարար Սամվել Բաբայանը նախօրեին քաղաքացիների հետ հավաք է հրավիրել Ստեփանակերտի Շառլ Ազնավուրի հրապարակում։
Հանդիպմանը մոտ հազար մարդ է մասնակցել, ընդ որում մեր աղբյուրների փոխանցմամբ, Բաբայանը հատուկ է ընտրել Ազնավուրի անվան հրապարակը, որն ավելի փոքր է, քան Վերածնունդի հրապարակը, և հնարավոր է այդկերպ ավելի բազմամարդ հավաքի տպավորություն թողնել։
Ռուսաստանցի գործարար Ռուբեն Վարդանյանի Արցախ տեղափոխվելուց և պետնախարարի պաշտոնը զբաղեցնելու խոսակցություններից հետո, Հայաստանի գործող իշխանությունները գիտակցում են, որ Արցախի նախագահ Արայիկ Հարությունյանը փորձում է իշխանության ամբողջ ծանրությունը բարդել Ռուբեն Վարդանյանի վրա, իսկ ինքը ծլկի Արցախից։
Ռուսական կապերով հայտնի Վարդանյանի հայտնվելը Արցախում լուրջ վտանգի տակ կարող է դնել Փաշինյանի քաղաքական ծրագրերը Արցախի նկատմամբ, ուստի և Սամվել Բաբայանին ուղարկում է Արցախ, որպեսզի նրա միջոցով հնարավոր լինի վերահսկել քաղաքական անցուդարձը։ Ընդ որում Բաբայանը ակնհայտ հավակնում է իր նախկին պաշտոնին՝ Անվտանգության խորհրդի քարտուղարի պաշտոնին, որը ներկայումս զբաղեցնում է գեներալ Վիտալի Բալասանյանը։
Ուշագրավն այս ամենում Սամվել Բաբայանի պահվածքն է։ Նախօրեին նա ստիպված է եղել ընդհուպ հայտարարել, թե ինքը Նիկոլ Փաշինյանի մարդը չէ.
«Վարչապետը շատ «կուճիր՝ փոքր»՝ է, որ ես նրա մարդը լինեմ»,- ասել է Սամվել Բաբայանը։
Նրան նաև ուղղակի հարց են տվել իր և վարչապետի տիկին Աննա Հակոբյանի սիրային կապերի մասին, Բաբայանը չքմեղացել և հերքել է նման տեղեկությունները։ Ուշագրավ է, որ 44-օրյա պատերազմից հետո առաջին անգամ Արցախի անվտանգության խորհրդի նախկին քարտուղարը ստիպված է լինում Արցախում ոչ այնքան քաղաքական հարցերի պատասխանել, որքան իր սիրային կապերի մասին հարցերին։ Իհարկե, նա նշել է, թե այդ տեղեկությունը սուտ է և որևէ կապ չունի իրականության հետ։
Էդգար Այվազյան
