Բա որ Մանթաշյանցը մարտի 8-ին ծնված լիներ․ վարչապետը՝ Կարայանին (լրացված)
ԱՄԵՆԱԸՆԹԵՐՑՎԱԾ
Կառավարության այսօրվա նիստին Տնտեսական ներդրումների եւ զարգացման նախարար Սուրեն Կարայանը բերել էր մի որոշում, որով առաջարկում էր մարտի 3-ը նշել որպես գործարարի օր։
Օրվա ընտրությունը, ըստ նախարարի, պայմանավորված է հայ մեծանուն գործարար ու բարեգործ Ալեքսանդր Մանթաշյանցի ծննդյան օրով։ Վարչապետն էլ «հակադարձեց»․
«Բա որ Մանթաշյանցը մարտի 8-ին ծնված լիներ»։ Ֆինանսների նախարար Վարդան Արամյանին հարցրինք՝ արդյոք Գործարարի օր նշանակելով Հայաստանը կդառնա գործարար ակտիվության երկիր եւ արդյոք նա պատրաստվում է տոնել այդ օրը։ «Իհարկե, տոնելու եմ, ինչու չպետք է չտոնենք»։
-Ուղղակի հետաքրքիր է իմաստը։ Ի՞նչ վատ բան եք տեսնում դրա մեջ։
-Ուզում եմ հասկանալ, թե ինչու եք դա անում եւ մարտի 3-ին մենք կդառնանք գործարար ակտիվության երկիր։
Գործարար ակտիվության ցուցանիշը որն է Ձեզ համար, ես կասեմ՝ կդառնանք, թե ոչ։ -Գործարարների լավ վիճակը, որ նրանք իրենց օբյեկտները չվաճառեն, կապիտալը դուրս չտանեն Էդպես չի լինում, ամենալավ վերազգային կորպորացիաների բալանսներում էլ անգամ կան վերցրած պարտքեր։
Արամյանին հարցրինք նաեւ՝ արդյոք հասցնում է կուսակցական գործունեությամբ զբաղվել։ Նա պատասխանեց՝ ոչ։ «Երեկ աշխատասենյակս լքել եմ ժամը 03․00-ին»։
Դիտարկմանը, թե ինչու եք ՀՀԿ անդամ, եթե չեք զբաղվելու կուսակցական գործերով, նա պատասխանեց․ «Որովհետե( ՀՀԿ-ն քաղաքական պատասխանատվություն է ստացել՝ կառավարելու այս երկիրը»։
Նյութի աղբյուրը ` hraparak.am
