5 Նոր աստղային զույգ, որոնց քննարկում են բոլորը. լուսանկարներ
ԱՄԵՆԱԸՆԹԵՐՑՎԱԾ
Ռոնալդու և Ջորջինա Ռոդրիգես
Նախորդ ամսվա №1 նյուզմեյքերը Կրիշտիանու Ռոնալդուն էր: Հունվարի սկզբին ֆուտբոլիստն առաջին անգամ հանրությանը ներկայացրեց իր նոր ընկերուհուն՝ 21-աամյա մոդել Ջորջինա Ռոդրիգեսին, իսկ ամսվա վերջում հայտարարեց, որ պատրաստվում է ամուսնանալ նրա հետ:
Մոնիկա Բելլուչչի և Ժիլ Լելլուշ
Մոնիկա Բելլուչչին երկար ժամանակ մենակ չմնաց, այս անգամ ևս իտալուհի դերասանուհու ընտրյալը ֆրանսիացի դերասան է՝ 44-ամյա Ժիլ Լելլուշը: Զույգն առաջին անգամ միասին ներկայացավ Փարիզում անցկացվող Sidaction-ի գալա-ընթրիքի ժամանակ: Չնայած մամուլի քննարկումներին՝ զույգը դեռևս այս առիթով որևէ մեկնաբանություն չի տվել:
Վենսան Կասել և Թինա Կունակի
Բելլուչչիի նախկին ամուսինը՝ Վենսան Կասելը ևս նոր ընտրյալ ունի: 50-ամյա դերասանին խելքահան է արել 19-ամյա գանգրահեր մոդել Թինան: Զույգը հանդիպում է 2015թ-ից , չնայած դրան մամուլում այս զույգի մասին հրապարակումներն ակտիվացել են բոլորովին վերջերս, երբ Թինա Կունակին մասնակցեց Jean Paul Gaultier-ի նոր հավաքածուի ցուցադրությանը:
Սելենա Գոմես և WEEKND
Մինչ WEEKND-ի երկրպագուները սպասում էին, որ նա կմիավորվի նախկին ընկերուհու՝մոդել Բելլա Հադիդի հետ, 26-ամյա երաժիշտը հայտարարեց նոր սիրելիի՝ երգչուհի Սելենա Գոմեսի հետ հարաբերությունների մասին: Վերջերս երաժիշտը Սելենային հրավիրել էր Իտալիա, որտեղ սիրելիի համար իսկական ռոմանտիկ weekend էր կազմակերպել:
Ֆյոդր Բոնդարչուկ և Պաուլինա Անդրևա
Թեպետ 48-ամյա ռեժիսորի և 27–ամյա դերասանուհու հարաբերությունները վաղուց են քննարկվում, միևնույն է մամուլը չի ձանձրանում նրանց մասին գրել: Սվետլանա Բոնդարչուկից ամուսնալուծվելուց հետո ռեժիսեր Բոնդարչուկը չի թաքցնում իր նոր սիրավեպը՝ ներկայանալով Պաուլինայի հետ բոլոր կարևոր միջոցառումներին: Ավելին՝ զույգը հայտարարել է, որ պատրաստվում է ամուսնանալ:
Սոս Ջանիբեկյան և Մադոննա Հարությունյան
Մեր շոուբիզնեսյան իրականությունը պակաս հետաքրքիր չէ: Բաժանվելով նախկին ընկերոջից՝ հումորիստ Գոռ Բարսեղյանից, հաղորդավարուհի Մադոննա Հարությունյանն այժմ հանդիպում է դերասան Սոս Ջանիբեկյանի հետ: Թեպետ զույգը երկար ժամանակ չէր մեկնաբանում իրենց սիրավեպի մասին ասեկոսեները, բայց, այնուամենայնիվ , դերասանն ու հաղորդավարուհին միասին ներկայացան «Կյանք ու կռիվ 2» ֆիլմի պրեմիերան:
