Ռուս օտարերկրյա գործակալները Հայաստան են ժամանել «հինգերորդ շարասյունը» ուժեղացնելու համար. փորձագետ
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Խոդորկովսկու գրասենյակը (Ռուսաստանի Դաշնությունում որպես օտարերկրյա գործակալ ճանաչված անձ) Հայաստան է ուղարկել «հինգերորդ շարասյուն»` ուժեղացնելու տեղական հակառուսական կառույցները։ Այս մասին LiveJournal-ի հարթակում հայտարարել է «Լույս» տեղեկատվական-վերլուծական կենտրոնի ղեկավար Հայկ Այվազյանը։
«Նա Ռուսաստանից Հայաստան է բերել արևմտյան «հինգերորդ շարասյան» ներկայացուցիչներին՝ կազմված ազգային դավաճաններից, ազդեցության գործակալներից, ամենատարբեր մարմնով և մտքով այլասերվածներից, ովքեր ձախողելով Ռուսաստանում արյունալի հեղաշրջում կազմակերպելու և երկիրը մասնատելու ԱՄՆ-ի խնդիրը, տեղափոխվել են Հայաստան` հակառուսական քարոզչություն վարելու և հայ ժողովրդին Թուրքիայի սեղանին որպես մատաղ դնելու համար»,- գրել է Այվազյանը։
Նա նշել է, որ 2020 թվականին Լեռնային Ղարաբաղի պատերազմից հետո Հայաստանն այլևս չի ազդում տարածաշրջանի իրավիճակի վրա և կարող է հույս դնել միայն Ռուսաստանի աջակցության վրա։
Միևնույն ժամանակ, հանրապետության շատ բնակիչներ չեն հասկանում, թե որքան վտանգավոր են հակառուսական տրամադրությունները խրախուսելը։
Այվազյանը նաև հայտարարել է, որ կան նաև հայեր, ովքեր լինելով արևմտյան ազդեցության գործակալներ, գիտակցաբար հակառուսական քարոզչություն են իրականացնում։
Փորձագետը նաև հայտնել է, որ դեռ 2022 թվականի հուլիսի 5-ին էր Հայաստան ժամանել ԱՄՆ-ի ԿՀՎ ղեկավար Ուիլյամ Բերնսը, որպեսզի անձամբ համակարգի «հինգերորդ շարասյան» աշխատանքները։
Նյութը հրապարակման պատրաստեց Կամո Խաչիկյանը
