Թուրքիան երբեք չի ընդունի Հայոց ցեղասպանությունը. Թուրքիայի վարչապետ
ՄԻՋԱԶԳԱՅԻՆ
Թուրքիայի վարչապետ Բինալի Յըլդըրըմը կրկին քննադատել է Գերմանիային Հայոց ցեղասպանությունը ճանաչող բանաձևի ընդունման համար։
Թուրքական «Haberyanki» լրատվական կայքի տեղեկացմամբ՝ վարչապետը նշել է, որ Թուրքիայի պատմության մեջ չկա մի դեպք, որից իրենք ամաչեն, և նման բանաձև ընդունող երկրներին խորհուրդ է տվել սեփական պատմությանը և իրականացրած կոտորածներին նայել։
Յըլըդրըմը Գերմանիայի խորհրդարանում Հայոց ցեղասպանության բանաձևի ընդունումն անուղղակիորեն կապել է Թուրքիայի գլխավոր ընդդիմադիր «Ժողովրդահանրապետական կուսակցության» (ժՀԿ-CHP) գործունեության հետ։
«ինչպիսի զուգադիպություն․ երբ գլխավոր ընդդիմադիր կուսակցությունը հանդիպում է օտարեկրյան դեսպանների հետ ԱԶԿ-ից (իշխող «Արդարություն և զարգացում կուսակցությունից») ազատվելու համար, Թուրքիայի հիմնական դաշնակից Գերմանիայում խորհրդարանն ընդունում է հայկական լոբբիի բանաձևը»,-ասել է Յըլդըդըմը՝ հավելելով, որ ընդունված որոշումը սխալ է, թուրք ժողովրդի անցյալը հայտնի է։
Վարչապետն ընդգծել է, որ Թուրքիան երբեք չի ընդունի Հայոց ցեղասպանությունը, որի շուրջ անգամ պատմաբանները չեն կարողանում համաձայնության գալ։
Աղբյուր` Ermenihaber.am
