Հայկական գետանցում. Փոթին ձախն է, Կավկազը աջը, նախարարը թարմացրել է լաստանավի մեկնարկի ամսաթիվը
ՔԱՂԱՔԱԿԱՆՈՒԹՅՈՒՆ
Eadaily.com-ը գրում է, որ վրացական Փոթի նավահանգստի և ռուսական Կավկազ նավահանգստի միջև լաստանավային կանոնավոր հաղորդակցության մեկնարկը տեղի կունենա այս ամիս, և նավերի տեղաշարժի ժամանակացույցը կհրապարակվի մոտ օրերս։ Այդ մասին «Արմենպրես» պետական գործակալության հետ զրույցում ասել է Հայաստանի էկոնոմիկայի նախարար Վահան Քերոբյանը։
«Բոլոր հարցերը լուծված են։ Եվ հիմա միակ խնդիրը, որը դեռ պետք է համաձայնեցվի, այն է, որ յուրաքանչյուր (փոխադրվող) ապրանքի համար պետք է թույլտվություն ձեռք բերվի առցանց, որպեսզի հնարավոր լինի ապրանքների այս կամ այն խմբաքանակը տեղափոխել։ Մենք պատրաստ ենք հրապարակել ժամանակացույցը։ Դա տեղի կունենա մոտ օրերս», - ասել է Անդրկովկասյան հանրապետության տնտեսական կառույցի ղեկավարը։ Քերոբյանը նախկինում նշել էր, որ կանոնավոր լաստանավային հաղորդակցությունը կսկսի գործել հունիսի 15-ից, ապա անդրադարձել էր ծովային ծառայության գործարկումը հետաձգելու տեխնիկական պատճառներին։ ՀՀ էկոնոմիկայի նախարարության ղեկավարը պարզաբանել է, որ Փոթի նավահանգիստը շահագործում է հոլանդական տրանսպորտային ընկերությունը, որը պետք է թույլտվություն ստանա իր մայր ընկերությունից և կանաչ լույս վառի լաստանավային ծառայության համար (նավահանգիստը շահագործում է APM Terminals Poti-ն, որը հանդիսանում է աշխարհի խոշորագույն նավահանգստային օպերատորներից մեկի՝ APM Terminals-ի դուստր ձեռնարկությունը, որի կենտրոնակայանը Հաագայում է):
Նախագիծը նախատեսում է երկու, իսկ ապագայում երեք լաստանավեր Փոթի-Կավկազ նավահանգիստների միջև շաբաթական 2-3 անգամ (կախված ծանրաբեռնվածությունից): Լաստանավային ծառայությունը մեծ հետաքրքրություն է առաջացրել հայ ներկրողների և արտահանողների, ինչպես նաև ռուսական ընկերությունների կողմից։ Մեկ լաստանավի թողունակությունը կկազմի 50 բեռնատար և 40 վագոն։
Նյութը հրապարակման պատրաստեց Կամո Խաչիկյանը
