Ամուսինս արդեն սովոր է մոմերի լույսի ներքո ճաշելուն. Նառա Դիլանյան

Դերասանուհի Նառա Դիլանյանի սոցիալական էջերին միայն հետեւելով կարելի է հասկանալ, որ մեզ ծանոթ գունեղ ու ժպտադեմ դերասանուհին նաեւ անակնկալների ու ռոմանտիկ երեկոնրի մեծ սիրահար է: Ընդ որում՝ հեղինակն անձամբ ինքն է: Նառան հաճախ է ռոմանտիկ ընթրիքներ կազմակերպում իր ու ամուսնու համար՝ ամեն անգամ ընտրելով գեղեցիկ ատրիբուտներ, մոմեր, հազվադեպ հանդիպող իրեր, ու այդպիսով ամենասովորական օրը տոն է դարձնում: Life.panorama.am-ը Նառայի հետ զրուցել է ոչ միայն ռոմատիկ ընթրիքների եւ անկանկալների նախընտրությունների մասին, այլեւ Սուրբ Սարսգի եւ Սուրբ Վալենտինի տոներին ընդառաջ խորհուրդներ է լսել, որոնք կարող են շատ սիրահարների համար օգտակար լինել:

«Նախ պետք է ասեմ, որ ես սիրում եմ յուրաքանչյուր տոն, իսկ սիրո տոները՝ էլ ավելի, որովհետեւ, երբ սեր կա, ուրեմն դրանով ամեն բան ասված է: Միաժամակ, տարվա ընթացքում երբեք չեմ սպասում սիրո տոներին, քանի որ իմ ընտանիքում միշտ էլ տոն է. Բազմիցս եմ ասել, որ հենց մենք պետք է ամեն օրը տոն դարձնենք, քանի որ առանց այն էլ ապրում ենք սեւ ու սպիտակ կյանքում: Կարելի է մեր յուրաքանչյուր օրը, յուրքանչյուր ընթրիքը հաճելի ու հիշարժան դարձնել: Օրինակ՝ ամուսինս արդեն սովոր է մոմերի լույսի ներքո ճաշել, ես երբեք թաքուն չեմ պահում իմ գեղեցիկ սպասքը: Կարող ենք անգամ հարեւաններիս կամ ընկերներիս հետ սուրճ խմել իմ ամենաթանկարժեք ու գեղեցիկ սպասքով: Ճիշտ է՝ ինքս շատ ուտել չեմ սիրում, բայց համեղ ուտել բոլորս ենք սիրում: Ես կողմ եմ գեղեցիկ ուտելուն, ուտեստներ պատրաստելիս՝ էսթետիկ կողմին շատ նշանակություն եմ տալիս, նաեւ միշտ ասում եմ, որ եթե ընտանիքում միասին են ճաշում, ուրեմն այդ ընտանիքը կայուն է: Իմ նման մտածելակերպը ձեւավորվել է դեռ մանկուց, որովեհետւ իմ հայրական ընտանիքում  էլ երբեք չենք սպասել հատուկ առիթների, որ գեղեցիկ սպասքով միասին ճաշենք: Հայերը սիրում են այս առումով սպասել ամենակարեւոր առիթներին ու հյուրերին, միշտ ասում են՝ ժամանակը չէ, բայց հավատացեք, ժամանակը հետ չի գալու, այնպես որ, վայելեք»,- նշեց Նառա Դիլանյանը:

Դերասանուհու խոսքով՝ գեղեցիկ ընթրիքները կամ տոները ոչ ստանդարտ անցկացնելու իր նախընտրությունը օգնում է, որ կյանքն ավելի գունավոր լինի.

«Ինձ համար հաճելի զբաղմունք է՝ ամեն անգամ նոր անակնկալներ մտածելը, այս առումով երբեք չեմ զլանում: Բացի սովորական օրերը տոն դարձնելուց, մենք ամեն ամիս ունենք նաեւ հատուկ տոներ, ու այդ օրերին մեր տան մթնոլորտը ամբողջությամբ փոխվում է: Հարեւանուհիս կատակելով ասում է, թե ամուսինս ամեն ամիս տարբեր տան ու տարբեր կանանց հետ է ապրում,- ժպիտով պատմեց Նառան ու շարունակեց.

«Ես ստանդարտություն չեմ սիրում: Իհարկե, ինձ մոտ էլ լինում է վատ տրամադրություն, տխուր հոգեվիճակ, բայց այդ ամենը պետք է պարզապես թողնել մի կողմում ու կյանքը լցնել գեղեցիկով: Ի դեպ՝ դա կարելի է անել հենց թեկուզ նրա համար, որ դեպրեսիա կոչվածը նահանջի: Պետք է ազատվել ամեն տեսակ հին ու չպետքական ապրանքներից, որը հայերիս շրջանում այնքան էլ ընդունված չէ: Ես վստահ եմ, որ չօգտագործված իրերը հաճախ վատ էներգիա են իրենց մեջ պարունակում: Փառք Աստծո, այնպիսի ժամանակատվածում ենք ապրում, որ բոլորին հասանելի սպասք ու իրեր կան, ուրեմն մի քիչ երեւակայություն ու ցանկություն, եւ հաստատ ժպիտ կնվիրեք ձեզ ու ձեր շրջապատին»:

Հետաքրքրվելով, թե սիրո տոներին ընդառաջ Նառան ինչ խորհուրդներ կտա նրանց, ովքեր ուզում են իրենց սիրելիի համար անակնկալներ պատրաստել, պատասխնեց.

«Մեր երիտասարդներին առաջին հերթին խորհուրդ կտամ ուղղակի տարբերվել, չվախենան ամեն անգամ նորովի մատուցեն ու ապացուցեն իրենց սերը: Տղաներին խորհուրդ կտամ հեռու մնալ շաբլոններից, հավատացեք, աղջիկներն արդեն հոգնել են փափուկ խաղալիքներից: Մի վախեցեք տարօրինակ ու յուրահատուկ թվալ, անգամ ծաղիկներ նվիերլիս՝ շեշտը դրեք գեղեցիկի, յուրօրինակի վրա: Տղաներ, հիշեք, որ վաղուց անցյալում են այն տղաները, ովքեր սիրելիին ծաղիկներ նվիրելիս՝ դրանք դնում են մեքենայի ետնամասում, որ «լավ տղաները» հանկարծ չտեսնեն: Հավատացեք՝ լավ ու ուժեղ տղամարդը այդ հատկանիշով չէ, որ որոշվում է: Պետք է թողել, որ սիրտը խոսի, պետք է շատ սիրել: Ինչ վերաբերվում է տոնական օրերն անցկացնելու մտքերին, իհարկե, գաղափարներ շատ կան, ես երբեք չեմ զլանում դրանք ավելի զարգացնել, երբեք անտարբեր չեմ գեղեցիկի հանդեպ, սիրում եմ անդադար համադրել գույները, ինքս նոր բաներ հնարել»:

 Ի դեպ՝ դերասանուհուն կարող են անգամ անծանոթները դիմել. Նա պատրաստակամ է այս հարցում բոլորին օգնել.

«Իրականում շատ նամակներ եմ ստանում ոչ միայն ինձ ծանոթ, այլեւ անծանոթ մարդկանցից, նրանք իրենց գեղեցիկ խոսքերն են հղում ինձ, նաեւ խորհուրդներ հարցնում, ես էլ սիրով փորձում եմ օգնել նրանց: Շատ եմ ուրախանում, որ կարողանում եմ օգնել մարդկանց, որ անգամ չճանաչելով տվյալ զույգին, իմ լուման եմ ունենում նրանց գեղեցիկ կյանքում. Նրանց հիացմունքն ինձ ուրախացնում է, այդպես կարողանում եմ կյանքում մի բանով օգտակար լինել: Ես շատ եմ օգնում նաեւ հարզատներիս ու ծանոթներիս՝ նրանց կյանքի կարեւոր օրերը փորձում եմ գեղեցիկ դարձնել»,- նշեց մեր զրուցակիցը:

Նառա Դիլանյանի պլաններում դիզայնի կենտրոն ունենալն է.

«Բիզնես ունենալ  միշտ եմ ցանկացել, դեռ տարիներ առաջ մտովի պատկերացնում էի իմ դիզայնի կենտրոնը, անգամ անուն էի որոշել, մտածում էի Naraka անունը դնել, որը թարգմանաբար նշանակում է կարմիր քար, իսկ կարմիրը սիրո գույն է համարվում: Կարծում եմ, կամաց-կամաց հասունանում է այն պահը, որ իմ գաղափարները ծնվեն իմ կենտրոնում, թեեւ եթե չստացվի անգամ բիզնես հիմնել, միեւնույն  է, ուրախ եմ, որ այսպես էլ կարողանում եմ օգտակար լինել մարդկանց»:

Զրույցի վերջում անդրադարձանք նաեւ Նառա Դիլանյանի աշխատանքային գործունեությանը: Նկատելի է, որ երկար ժամանակ է, ինչ դերասանուհին չի նկարահանվում «Առաջնորդները» հեռուստասերիալում: Հարցին, թե ինչու նրան չենք տեսնում սերիալում եւ առաջիկայում ինչ ծրագրեր ունի, պատասխանեց.

«Ճիշտ եք նկատել, արդեն երկու ամիս է, ինչ չեմ նկարահանվում, սակայն թե ինչու՝ ինքս էլ չգիտեմ, գուցե այդպես էր պետք, գուցե կերպարն էլ անելիք չուներ: Հիմա այլ առաջարկներ ունեմ, բայց հստակ ոչինչ դեռ չկա: Այնպես է ստացվել, որ իմ մարմնավորևած կերպարները նման են եղել միմյանց, դրա համար նաեւ ուրախ եմ, քանի որ բոլորն էլ ինձ հոգեհարզատ են եղել: Սակայն կարծում եմ, որ արդեն ժամանակն է հանրությանը ներկայանալ ուրիշ ոճում: Ի դեպ՝ դա ինձ համար շատ պատասխանատու քայլ կլինի, քանի որ ժողովուրդը սովոր է ինձ տեսնել միշտ գունեղ կերպարում, նրանք ինձ այդպիսին սիրում են: Հիմա, որպես դերասանուհի, ինքս էլ արդեն ուզում եմ բոլորովին նոր ոճում ներկայանալ, թեպետ պետք է վստահաբար ասեմ, որ հայ ժողովրդին քո կերպարով ծիծաղ պարգեւելը շատ դժվար է. Սա ասում եմ՝ զգալով դրա դժվարությունները, բայց նաեւ հասնելով դրան»:

Հեղինակ՝ Անուշիկ Մելքոնյան