Մեր ժողովրդի համար ի՞նչ տարբերություն՝ թուրքի՞ց են հողը պահում, թե՞ նման մարդուց
ՀԱՍԱՐԱԿՈՒԹՅՈՒՆ
Գորիսի առաջին ատյանի դատարանում քիչ առաջ ավարտվեց Ներքին Խնձորեսկի նախկին գյուղապետ Մարտուն Արզանյանի՝ սեփական գյուղի 36 ընտանիքներից 34-ի տղամարդկանց դեմ գործով առաջին նիստը:
Նախկին գյուղապետը տարիների ընթացքում կեղծ, ապօրինի աճուրդներով, որոնցից գյուղացիները տեղյակ չեն եղել, իր մերձավորների անուններով սեփականաշնորհել գյուղի ամբողջ 474 հետկար վարելահողը։ Գյուղացիներին հաջողվել է 200 հեկտարը ետ վերցնել Մարտուն Արզանյանից, իսկ կեղծ աճուրդներով յուրացված 274 հետկարը, ըստ գյուղացիների, շարունակում է մնալ նրա տիրապետության տակ։
Ներքին Խնձորեսկի վարչական ղեկավար Երվանդ Մալունցի խոսքով՝ գյուղացիները պայքարում են իրենց սեփականության համար.
«Իր գործը դատի տալն է, ինքը նախկին գյուղապետ չէ: Նրա պահանջը երբևիցե չի կարող արդարացի լինել, դատն էլ չի կարող հաղթել: Սա գյուղի ապագայի հարցն է, ինքը ո՞նց կարող է հաղթել: Մեր ժողովրդի համար ի՞նչ տարբերություն՝ թուրքի՞ դեմ են պայքարում, թուրքի՞ց են հողը պահում, թե՞ նման մարդուց: Այս մարդիկ հո իրենց հողերի պահակը չե՞ն, գյուղում ապրում են՝ զենքը ձեռքին, իրենք էլ ինչ ուզեն անեն»,- 1or.am-ի հետ զրույցում ասաց Մալունցը:
Մարիամ Նալբանդյան
