Դատախազությունից չցանկացան հանդիպել մեզ հետ, մենք էլ մեր գործողությունները կանենք․ զոհված զինծառայողների ծնողներ
ՀԱՍԱՐԱԿՈՒԹՅՈՒՆ
Դատախազությունից հայտարարել են, որ չեն ցանկանում իջնել, մեզ հետ հանդիպել՝ ասելով, որ նորություն չունեն, և գործը տեղափոխումը քննակման մեջ է, այդ դեպքում մենք էլ կանենք մեր գործողությունները։ Այս մասին լրագրողների հետ զրույցում ասացին զոհված զինծառայողների` բողոքի ակցիա իրականացնող ծնողները։
Հիշեցնենք, որ Դատախազության շենքի դիմաց բողոքի ակցիա էին իրականացնում 44-օրյա պատերազմում զոհված զինծառայողների հարազատները: Նրանց պահանջն է, որ Դատախազությունը Քննչական կոմիտեում 308 հոդվածի երկրորդ մասի հատկանիշներով (պաշտոնական լիազորությունների չարաշահում, որն առաջացրել է ծանր հետեւանքներ) հարուցված գործը փոխանցվի ԱԱԾ-ին:
Հիշեցնենք, որ զոհված զինծառայողների հարազատները հունիսի 30-ին հանդիպել էին գլխավոր դատախազ Արթուր Դավթյանի հետ, ներկայացրել իրենց պահանջը:
Նրանք պահանջում են նաեւ, որ գործը քննվի առերեւույթ պետական դավաճանության 299 հոդվածով, Նիկոլ Փաշինյանը կանչվի հարցաքննության և գործում ընդգրկվի որպես մեղադրյալ:
