Հայկական «Դիմադրության շարժումը» պետք է զգալի վերափոխել
ՔԱՂԱՔԱԿԱՆՈՒԹՅՈՒՆ
Eadaily.com-ը գրում է, որ իրավիճակի լրջությունը հուշում է ընդդիմության փուլային «դիմադրության շարժում», բողոքի միջոցառումների տարբեր աստիճանի ինտենսիվություն, իսկ ինքնին բողոքի ակցիան պետք է ենթարկվի էական կառուցվածքային և բովանդակային փոփոխությունների։ Այս մասին ասված է «Այլընտրանքային նախագծեր» (Երևան) փորձագիտական խմբի հոդվածում, որը հրապարակվել է տեղական լրատվամիջոցներում։
Հայ վերլուծաբաններն առաջարկում են ազգային պայքարի գաղափարը դարձնել ոչ թե հակաթուրքական բաղադրիչը, որը հիմա գերիշխող է հանրապետության խորհրդարանական ընդդիմություն «Դիմադրության շարժման» ակցիաներում, այլ «Հայաստանի վերելքը, վերականգնումը 2020 թվականի աշնան պատերազմից հետո»։
«Պարտությունից հետո մեր հասարակությունը բարոյալքված վիճակում է, դա պետք է ընդունել, աշխատանքի մեթոդները պետք է փոխվեն։ Հայաստանում գործող իշխանության այլընտրանքը պետք է հստակ նկարագրի, ներկայացնի հետնիկոլական Հայաստանը: Պետք է կանխել ներքին ագրեսիայի անվերահսկելի աճը, չպետք է թույլ տալ անձնավորված ատելություն։ Ատելության կոչերը վտանգավոր են պետության համար: Հայաստանում բողոքի ակցիաները տրամաբանորեն հասել են այնպիսի կետի, որից հետո գրագետ փոխակերպում է պահանջվում։ Իրավիճակի միջանկյալ գնահատումը կարևոր է ճիշտ որոշումներ կայացնելու համար»,- նշել են փորձագետները։
Այս փուլում «շարժման» ղեկավարները կարևոր ու դժվարին աշխատանք են կատարել, նշում են նրանք: «Ձևավորվել է հրապարակ, որը իրենից ներկայացնում է ազգային գաղափարներով առաջնորդվող հասարակություն։ Նման հասարակությունները, այսպես թե այնպես, միշտ էլ հասնում են իրենց խնդիրների լուծմանը... Ոչ մի լուրջ մարդ չէր կարող հավատալ, որ մի քանի հանրահավաքներից ու երթերից հետո Նիկոլ Փաշինյանը կհեռանա, միջազգային միջնորդները (ղարաբաղյան հիմնախնդրի կարգավորման հարցում) կդառնան Հայաստանի կողմնակիցներ, իսկ Ադրբեջանը կմեղմի իր ագրեսիան: Անլուրջ է վերջնաժամկետներ սահմանելը, որը հետո հիասթափվեցնում է։ Նման իրավիճակներում ժամկետներ չեն կարող լինել։ Հաղթում է նա, ով դիմում է տրամաբանությանը և չի ուրվագծում իր պայքարի վերջնաժամկետը»,- կարծիք են հայտնել հոդվածի հեղինակները։
Նրանց կարծիքով, ներկա փուլում «Դիմադրության շարժումը» հասել է «հստակ ձեռքբերումների», որոնցից գլխավորը «հասարակության զարթոնքն» է։ «Ոչ ոք չի չեղարկել մեր առջև ծառացած կենսական սպառնալիքները։ Լուրջ վտանգ կա, որ մենք կտարվենք «ներքին ձեռնամարտով» և մի պահ կթերագնահատենք արտաքին ռիսկերը։ Եվ դրանք ոչ միայն շատ սուր են, այլ նաև ավելացել են նորերը։ Նոր ագրեսիայի, մեր հաշվին տարածաշրջանային կոնսենսուսի հասնելու սուր վտանգ կա՝ ընդհուպ մինչև հայկական պետականության ծայրահեղ թուլացման կամ կորուստի։ Եթե նիկոլական պոպուլիզմին հականիկոլական նոր տիպի պոպուլիզմ հակադրենք, հասարակության լայն շերտերում վտանգի զգացումը կթուլանա։ Այսպիսով, մենք կարող ենք հետին պլան մղել կենսական ամենադժվար խնդիրները և ինչ-որ պահի կանգնել փաստի առաջ»,- զգուշացրել են վերլուծաբանները։
Նրանք ազգային-պետական ճգնաժամից, որում հայտնվել է Հայաստանը, ելքը տեսնում են համահայկական համախմբման մեջ։ «Այդ համախմբմանը կարելի է հասնել միայն ողջախոհության և համերաշխության դրոշի ներքո։ Հակառակ դեպքում գործընթացները կգնան տոտալ մարգինալացման, քաոսային թշնամանքի և պետության արագ թուլացման ճանապարհով»,- եզրակացրել են փորձագետները։
Ինչպես ավելի վաղ նշել էր EADaily-ն, Հայաստանի Ազգային ժողովում առանձին խմբակցություններ ունեցող երկու ընդդիմադիր դաշինքների նախաձեռնած «Դիմադրության շարժումը» շարունակվում է արդեն մեկուկես ամիս, բայց շոշափելի արդյունքների չկան։ Թեև «Շարժման» առաջնորդները շարունակում են համարձակ հայտարարություններ անել «հաղթական ավարտի» մոտ լինելու մասին և հավաստիացնել «մինչև վերջ գնալու» մասին, սակայն ընդդիմության փողոցային պայքարի քանակական բաղադրիչը ցանկալի արդյունք չունի:
Նյութը հրապարակման պատրաստեց Կամո Խաչիկյանը
