Իշխան Սաղաթելյանն այսօր կտա՞ ընդդիմության միասնական թեկնածուի անունը
ՔԱՂԱՔԱԿԱՆՈՒԹՅՈՒՆԴիմադրության շարժումը հայտարարել է, որ ժամը 19.30-ին կլինի հանրահավաք Ֆրանսիայի հրապարակում: Հանրահավաքին Իշխան Սաղաթելյանը խոսելու է շարժման նոր փուլի մասին, մասնավորաբար ներկայացնելու է հետագա անելիքների մանրամասները, այսինքն՝ թե ինչ հունով է գնալու շարժումը, ինչ գործիքակազմով:
Մամուլում շատ են խոսակցություններն այն մասին, որ Սաղաթելյանն այսօր իր ելույթում նշելու է նաև ընդդիմության՝ վարչապետի միասնական թեկնածուի անունը:
1or.am-ը փորձեց շրջանառվող լուրերը ճշտել ԱԺ «Հայաստան» խմբակցության պատգամավոր Արամ Վարդևանյանից.
«Նման տեղեկությունների ես չեմ տիրապետում, չեմ կարծում, որ դրանք իրականությանը համապատասխանում են, բայց իրականությանը համապատասխանում է այն, որ Իշխան Սաղաթելյանն այսօր բավականին կարևոր, առանցքային, ծրագրային ելույթ է ունենալու և կարելի է սպասել այդ ելույթին»:
Մարիամ Նալբանդյան
