Հայաստանի սահմանն անցնում է Քուռ գետով. Աբբաս Կուլի-աղա Բակիխանով
ՔԱՂԱՔԱԿԱՆՈՒԹՅՈՒՆ
Realtribune.ru-ն գրում է, որ Հայաստանի հետ սահմանը Քուռի երկայնքով հաստատել է ադրբեջանական պատմական դպրոցի հիմնադիր Աբբաս Կուլի-աղա Բակիխանովը: Այդ մասին հիշեցրել է Realist լրատվական գործակալության գլխավոր խմբագիր Սարգիս Ծատուրյանը։
«Մինսուլթանատի բնակիչները հաճախ իմ գրառումների և տեսանյութերի տակ մեկնաբանություններում գրում են, որ ես ստում եմ բաժանորդներիս նշելով, որ Հայաստանը միայն մեկ սահման ունի Ադրբեջանի հետ, և դա Քուռ գետի երկայնքով է: Հայաստանի հետ սահմանը Քուռի երկայնքով հաստատել է նաև ադրբեջանական պատմական դպրոցի հիմնադիր Աբբաս Կուլի-աղա Բակիխանովը։
«Համեմատելով տարբեր հանգամանքներ և պատմաբանների վկայություններ` կարելի է ենթադրել, որ Քուռ գետի աջ ափը կազմել է Հայաստանի սահմանը», - գրել է Բակիխանովն իր «Գյուլիստան և Իրամ» էսսեում, որը լույս է տեսել Բաքվում 1926 թվականին։
Անդրադառնալով պարսիկ պատմաբան Գիյաս ադ-Դին Խոնդեմիրի, ով ապրել է 15-16-րդ դարերի վերջում` «Խաբիբ ալ-Սիյար» («Կենսանկարագրությունների ընկեր») գրքին Բակիխանովն ավելի հեռուն է գնացել նշելով, որ նույնիսկ «Թիֆլիսը մաս է կազմել Հայաստանի»: «Պլինիոսը և Պտղոմեոսը գրում են, որ Հայաստանի հյուսիսային սահմանը հասնում էր Քուր, որի աջ ափին գտնվում են Թիֆլիսը, Թումանիսը (Դմանիսը), Բունիսը և այլն։ Ներկայիս Վրաստանի այդ հատվածը կոչվում է Սոմխեթիա, որը վրացերեն նշանակում է Հայաստան և իսկապես Սոմխեթիայում հայերն ավելի շատ են, քան վրացիները։ Հիմա ի՞նչ կասեք. Բակիխանովն է՞լ է ստում».- իր հեռագրային ալիքում գրել է IA Realist-ի գլխավոր խմբագիրը։
Ավելի վաղ «Իշխանություն» հաղորդաշարի եթերում Սարգիս Ծատուրյանը, հղում անելով հույն, հռոմեացի և ռուս պատմաբաններին, հանգամանորեն խոսել էր 4500 տարվա ընթացքում Հայաստանը արտաքին աշխարհից բաժանող իրական հայկական սահմանների մասին։
Նյութը հրապարակման պատրաստեց Կամո Խաչիկյանը
