20 երկիր հայտարարել է Ուկրաինայի համար անվտանգության ոլորտում օգնության նոր փաթեթների մասին
ՄԻՋԱԶԳԱՅԻՆ
20 երկիր հայտարարել է Ուկրաինայի համար անվտանգության ոլորտում օգնության նոր փաթեթների մասին։ Չեխիան համաձայնել է «էական աջակցություն» ուղարկել Ուկրաինային, ներառյալ՝ «մարտական ուղղաթիռներ, տանկեր եւ հրթիռային համակարգեր»։ Այս մասին հայտարարել է ԱՄՆ պաշտպանության նախարար Լլոյդ Օսթինը։
Օսթինն անձամբ կհյուրընկալի Ուկրաինայի հարցով Կոնտակտային խմբի հաջորդ հանդիպումը, որը կկայանա հունիսի 15-ին Բրյուսելում։
«Ես կոնտակտային խումբ կհրավիրեմ հաջորդ ամիս մեր երրորդ հանդիպման համար՝ Բրյուսելում ՆԱՏՕ-ի նախարարների հանդիպման շրջանակում»,-ասել է Օսթինը: «Իհարկե, դա ՆԱՏՕ-ի միջոցառում չի լինի, բայց մենք ցանկանում ենք պահպանել այս հանդիպումների տեմպերը, եւ ես ուզում էի օգտագործել իմ ուղեւորությունը դեպի Եվրոպա՝ համոզվելու համար, որ մենք զարգացնում ենք մեր ազդակը»,-հավելել է նա։
