Ո՞ր ըմպելիքներն են օգտակար նիհարելու համար
ՀԱՍԱՐԱԿՈՒԹՅՈՒՆ
Առջևում ամառ է, և շատ աղջիկներ ու կանայք մտածում են` ինչպես կարելի է ձերբազատվել ձմռան ընթացքում ձեռք բերած ավելորդ քաշից։ Մարդիկ, որոնք ցանկանում են ազատվել ավելորդ քաշից, չպետք է մոռանան օրական 8 բաժակ ջուր խմել։
1or.am-ի հաղորդմամբ՝ ջուրը չի պարունակում կալորիաներ, շաքարավազ և նատրիում և ավելի լավ է օգնում պահպանել օրգանիզմում ջրային բալանսը։ Ջուրը նաև առանցքային դեր է խաղում լիպոլիզի գործընթացում, որն օրգանիզմն օգտագործում է ճարպերն այրելու համար: Համի համար ջրի մեջ կարելի է ավելացնել կիտրոն և անանուխ։
Սակայն ջուրը միակ ըմպելիքը չէ, որը կարելի է խմել նիհարելիս։
Կանաչ թեյը նույնպես նիհարելու համար օգտակար ըմպելիքների ցանկում է։ Այն հարուստ է հակաօքսիդանտներով եւ կատեխիններով: Ենթադրվում է, որ վերջիններս նույնպես նպաստում են նյութափոխանակության արագացմանը։
Մասնագետները նաև խորհուրդ են տալիս խմել մատչա՝ հակաօքսիդանտների և կատեխինների ավելի մեծ կոնցենտրացիայով կանաչ թեյ, քան տերևավոր կանաչ թեյը:
Մեկ այլ առողջարար ըմպելիք նիհարելու սննդակարգում կարող է լինել կեֆիրը։
Կեֆիրը պարունակում է նաև կոնյուգացված լինոլաթթու, որն օգնում է նվազեցնել ճարպը և բարելավել իմունային ֆունկցիան:
Սննդաբանների կարծիքով՝ կարելի է երբեմն խմել սմուզիներ և սպիտակուցային կոկտեյլներ. սա լավ միջոց է թարմանալու համար։ Բացի այդ, սմուզիում պարունակվող մրգերն ու բանջարեղենը կօգնեն բարձրացնել օրգանիզմի ջրային բալանսը։
90-ից 100 տոկոս ջուր պարունակող մթերքների թվում են մուշկի դդումը, ձմերուկը, ելակը և սպանախը: 70-ից 89 տոկոս ջուր պարունակող մթերքները ներառում են նաև բանան, նարինջ, տանձ, արքայախնձոր, ավոկադո, գազար եւ մածուն: Այս ամենը կարելի է ավելացնել շեյքերին՝ ջրի և վիտամինների ընդունումը խթանելու համար:
Սև սուրճը նիհարելու համար նախատեսված ըմպելիքների ցանկում է , քանի որ այն պարունակում է սննդակարգի համար անհրաժեշտ հակաօքսիդանտներ։
Սակայն մասնագետները զգուշացնում են, որ խորհուրդ չի տրվում օրական 4 բաժակից ավելի սուրճ խմել։ 
