Գիտնականը պատմել է, թե որտեղից կգան նոր համաճարակները
ՀԱՍԱՐԱԿՈՒԹՅՈՒՆ
Gazeta.ru-ն գրում է, որ Կուրսկի պետական բժշկական համալսարանի հանրային առողջության և առողջապահության ամբիոնի դոցենտ, բժշկական գիտությունների թեկնածու Վլադիմիր Տիմոշիլովն ասել է, որ նոր համաճարակներ կարող են հայտնվել հակասանիտարական բարձր մակարդակ ունեցող բազմամարդ երկրներից։
«Անհրաժեշտ է կազմակերպել էկոլոգիական և սանիտարական միջազգային առաքելություններ։ Ի վերջո, որտեղի՞ց են հայտնվել Էբոլան, կորոնավիրուսը, սև բորբոսի և սնկային թոքաբորբի մասին հաղորդումները- Աֆրիկայից, Հնդկաստանից, Բանգլադեշից, Չինաստանից և այն երկրներից, որտեղ, օրինակ, դիակները աղբի հետ միասին գետն են նետվում»,- ասել է գիտնականը։
Մոսկվայի պետական համալսարանի կենսաբանության ֆակուլտետի վիրուսաբանության ամբիոնի պրոֆեսոր Ալեքսեյ Ագրանովսկին համաձայնել է իր գործընկերոջ հետ: Նրա խոսքով, պատմության մեջ բազմաթիվ համաճարակներ դադարեցվել են սանիտարահիգիենիկ կրթության շնորհիվ:
Ավելի վաղ Տիմոշիլովը հայտնել էր, որ «օմիկրոնը» վերածվում է սովորական ՍՇՎ-ի։ Միևնույն ժամանակ, բժիշկ-իմունոլոգ Վլադիսլավ Ժեմչուգովը պնդում է, որ կորոնավիրուսը ապագայում կարող է դառնալ նոր բնական օջախային վարակ, որը փոխանցվում է կենդանիներից մարդկանց և կարող է երկար ժամանակ պահպանվել արտաքին միջավայրում մակաբուծելով որոշակի կենդանիների վրա։
Նյութը հրապարակման պատրաստեց Կամո Խաչիկյանը
