Փորձագետ. Հայաստանի և Թուրքիայի մերձեցումը կհանգեցնի Ղարաբաղի վերջնական կորստին
ՔԱՂԱՔԱԿԱՆՈՒԹՅՈՒՆ
regnum.ru-ն գրում է, որ Հայաստանի կողմից Թուրքիայի հետ դիվանագիտական հարաբերությունների հաստատումը ներկա պահին միայն կհանգեցնի Ադրբեջանին անցած հայկական տարածքների վերջնական կորստին։ Այդ մասին REGNUM-ի թղթակցին ասել է քաղաքագետ Ասլան Ռուբաևը։
«Հայաստանը, Թուրքիայի հետ դիվանագիտական հարաբերություններ հաստատելով, Անկարային դարձնելով միջնորդ Բաքվի հետ հարաբերությունների կարգավորման հարցում փորձում է ստանալ թուրքական որոշակի քաղաքական աջակցություն Ադրբեջանին զսպելու հարցում։ Բայց արդեն ուշ է։ Նիկոլ Փաշինյանը միանգամայն անհասկացողի ու միջակ քաղաքականություն է վարում, որը չի համապատասխանում Հայաստանի շահերին: Նման ծանր պարտություններից հետո Թուրքիայի հետ դիվանագիտական հարաբերություններ հաստատելը նշանակում է, որ Հայաստանն այլևս երբեք չի կարողանա հավակնել կորցրած տարածքներին։ Այսպիսով, Փաշինյանը երկարատև պատերազմի մեջ է գցում Հայաստանը, քանի որ Հայաստանում թե՛ բնակչության, թե՛ զինվորականների շրջանում շատ են կորցրած տարածքները հետ գրավելու ցանկություն ունեցողները։ Եվ, այսպիսով, պատերազմն ուղղակի անցնում է թուլացման փուլ։ Իսկ առճակատումը դեռ շատ ու շատ երկար տարիներ կլինեն»,- ասել է փորձագետը։
Հիշեցնենք, որ Հայաստանը պատրաստակամություն է հայտնել դիվանագիտական հարաբերություններ հաստատել Թուրքիայի հետ և բացել սահմանը երկու երկրների միջև։
Նյութը հրապարակման պատրաստեց Կամո Խաչիկյանը
